Beint á efnisyfirlit síðunnar

Fréttalisti

19.08.2014

Íslandsmet hjá Hrafnhildi í 100m bringusundi

Nú rétt í þessu synti Hrafnhildur Lúthersdóttir í undanúrslitum í 100m bringusundi á EM50 í Berlín. Hrafnhildur gerði sér lítið fyrir og bætti eigið Íslandsmet því hún synti á 1:08,19 en gamla metið var 1:08,57. Stórgóð bæting um tæpa hálfa sekúndu og ljóst að hún er í feiknaformi. Tíminn skilar henni í 10. sæti en efstu 8 keppa til úrslita. Hún er þó á lista yfir varamenn ef ske kynni að einhver skrái sig úr úrslitunum og verður þá númer tvö í röðinni inn.
Nánar ...
19.08.2014

Hrafnhildur í undanúrslit í 100m bringu

Í morgun synti Hrafnhildur Lúthersdóttir 100m bringusund í undanrásum á EM50 í Berlín. Kom hún í mark á tímanum 1:09,12 og hafnaði í 15. sæti, sem dugar henni í undanúrslit sem hefjast seinni partinn. Er þetta þriðji besti tími Hrafnhildar í greininni og einungis um hálfri sekúndu frá Íslandsmeti hennar.
Nánar ...
18.08.2014

Leikar hafnir á YOG og EM50

Í gær hóf Kristinn Þórarinsson keppni á Ólympíuleikum Ungmenna í Nanjing í Kína. Hann synti 100m baksund á tímanum 57,98 en það nægði honum ekki áfram í undanúrslit. Þá synti hann 200m fjórsund á 2:06,90. Ágætur tími sem skilaði Kristni í 15. sæti en 8 efstu synda til úrslita. Ingibjörg Kristín Jónsdóttir reið á vaðið á EM50 í morgun í Berlín og náði góðum tíma í 50m flugsundi, 28,12 en það er um hálfri sekúndu betri tími en hún var skráð á. Hennar besti tími í greininni er aðeins 0,09 sekúndum betri en sundið í morgun skilaði henni í 33. sæti. Í fyrramálið syndir Hrafnhildur Lúthersdóttir 100m bringusund og Ingibjörg Kristín syndir 100m skriðsund. Þá keppir Sunneva Dögg Friðriksdóttir í 800m skriðsund í Kína á morgun.
Nánar ...
14.08.2014

EM50 og YOG

Nú á næstu dögum hefja fjórir íslenskir sundmenn keppni í landsliðsverkefnum erlendis. Þær Ingibjörg Kristín Jónsdóttir og Hrafnhildur Lúthersdóttir, báðar úr SH, halda utan til Berlínar á morgun og munu synda þar á Evrópumeistaramótinu í 50m laug. Ingibjörg syndir 50m flugsund, 50m og 100m skriðsund og 50m og 100m baksund á meðan Hrafnhildur syndir 50m, 100m og 200m bringusund. Klaus Jurgen-Ohk fer sem þjálfari. Keppt er í undanrásum, undanúrslitum og úrslitum en keppni hefst mánudaginn 18. ágúst.
Nánar ...
12.08.2014

Stjarnan í leit að þjálfara

Stjarnan leitar eftir þjálfara til starfa. Nánari upplýsingar veitir Friðbjörn yfirþjálfari - sund@stjarnan.is eða eftir kl. 17 í síma 669-5602. Sjá meðfylgjandi auglýsingu
Nánar ...
06.08.2014

Næsta EM25 verður í desember 2015 í stað janúar 2015

Stjórn LEN, Evrópska sundsamabandsins, hefur ákveðið að færa næsta EM25, sem átti að vera í borginni Netanya í Ísrael dagana 15-18 janúar 2015. Þess í stað verður EM25 haldið í borginni Herzliya í Ísrael dagana 2-6 desember 2015. Ástæðu þessara breytinga segir Paulo Frischnecht eru óhemju margir íþróttaviðburðir sem eiga sér stað í janúar á hverju ári. LEN vilji komast hjá árekstrum við aðrar íþróttagreinar en einnig komast hjá því að trufla skipulag innan eigin raða, en eins og kunnugt er þá hefur verið hefð fyrir því að halda EM25 í desember. Það sem breytti því var innkoma FINA með HM25 í desember annað hvert ár og ósætti milli þessara tveggja samtaka sem SSÍ er aðili að. Það hefur verið óhagganleg afstaða íþróttahreyfingarinnar á Íslandi að blanda ekki pólitík í ákvarðanir um þátttöku Íslands í alþjóðlegri íþróttakeppni. En miðað við aðstæður er óhjákvæmilegt að ræða í stjórn SSÍ, á formannafundi SSÍ í haust og á Sundþingi 2015, hvort það sé verjandi að taka þátt í íþróttakeppni sem fram fer í Ísrael. Við munum leita ráðgjafar ÍSÍ og einnig heyra í frændum okkar annars staðar á Norðurlöndum um afstöðu þeirra um hvort vilji sé að senda íþróttafólk inn á svæði þar sem stríð geysar.
Nánar ...
24.07.2014

Íslandsmótinu í Víðavatnssundi lokið

Í dag fór Íslandsmótið í Víðavatnssundi fram í Nauthólsvík. Coldwater sér um framkvæmd mótsins ásamt Sundsambandi Íslands í samstarfi við Securitas. Mótið gekk mjög vel fyrir sig og var ekki annað að sjá en að sundmenn og aðstandendur væru glaðir með daginn.
Nánar ...
20.07.2014

Anton Sveinn með glæsilegan árangur um helgina

Anton Sveinn McKee bætti eigið Íslands­met í 200 metra bringsundi sem staðið hafði í nokkrar klukkustundir þegar hann synti á 2:10,72 mín í A-úrslitum á mót í Los Angeles í Bandaríkjunum í nótt. Um leið setti Anton Sveinn mótsmet og hafði sigur í greininni. Með þessu sundi hefur hann náð 14 sæti á heimslistanum í 200m bringusundi. Íslandsmetið sem Anton Sveinn setti í undanrásum var 2:12,23 mín. Anton Sveinn hefur verið í Alabama í tæpt ár og hefur sýnt miklar framfarir á þessu ári. Á föstudaginn setti Anton einnig íslandsmet í 400m skriðsundi synti á tímanum 3.54.36 en hann átti gamla metið sem var 3.54.67. Virkilega flottur árangur hjá Antoni um helgina.
Nánar ...
16.07.2014

Sunddeild ÍBV auglýsir eftir þjálfara

Sundfélags ÍBV auglýsir eftir metnaðarfullum einstakling í starf þjálfara fyrir komandi sundtímabil 2014 – 2015. Umsækjandi þarf að geta hafið störf um mánaðarmótin ágúst/september. Í starfinu felst að hafa umsjón með öllum hópum. Sjá um í samráði við stjórn Sundfélags ÍBV að félagið geti boðið upp á alla sundþjálfun, allt frá byrjendakennslu til afreksþjálfunar. Æskilegt er að viðkomandi hafi: • Menntun og reynsla á sviði íþrótta- og/eða sundþjálfunar . • Reynsla og hæfni í mannlegum samskiptum. • Frumkvæði og sjálfstæði í starfi. • Skipulögð vinnubrögð. Allar umsóknir verða skoðaðar. Umsóknir sendist til annals@grv.is
Nánar ...
13.07.2014

EMU 2014 lokið

Nú hafa allir íslensku keppendurnir lokið keppni á EMU. Kristinn synti 400 m. fjórsund og bætti sig. Fyrir undanrásir var hann í 35. sæti og endaði í 24. sæti. Glæsilegt sund hjá honum og hann sáttur að geta endað mótið vel. Krakkarnir fara á lokahóf sem haldið verður fyrir sundmennina á einu hótelinu hérna í borginni. Nú tekur við áframmhaldandi undirbúningur hjá Kristni og Sunnevu Dögg fyrir Kína ferðina í ágúst. En dagurinn á morgunn verður nýttur til hvíldar og ferðalagsins heim. Kveðjur frá EMU hópnum í Dordrecht.
Nánar ...
13.07.2014

NÆM 2014 lokið

Allir eru kátir hér í Bellahöj, það er farið að rigna svo veðrið vinnur með okkur, væri slæmt ef við þornuðum um of. Gunnhildur byrjaði á því að synda 50m flug rétt við sinn besta tíma 32,61 (32,57) , Næst synti Harpa 400m skriðsund en hún náði sér ekki á strik kom í bakann á 4.38,96 (4.34,68) Ólafur synti einnig 400m skriðsund hann var í frábærum gír, synti á 4.16,12 (4.20,85) rúmlega 4,5 sek bæting Eydís Ósk var næst í 200m baksundi en hún var töluvert frá sínum tíma á 2.34,76 (2.28,72), Karen Mist synti flott 100m bringusund rétt við hennar besta tíma 1.15,71 (1.15,66) Stefanía stakk svo sér svo síðust til sunds af okkar fólki hér á NÆM er hún synti fínt 200m fjórsund 1 sekúndu frá hennar besta á 2.33,35 (2.32,33). Við getum verið stolt af sundfólkinu okkar sem tók þátt í NÆM, þau voru flest að synda sitt fyrsta mót fyrir Ísland og gerðu það vel, margar góðar bætingar eða rétt við sína tíma nokkur sund fóru ekki eins vel en allt fer þetta í reynslubankann hjá þessu unga og efnilega sundfólki, það verður gaman að fylgjast með þeim í framtíðinni. Bestu kveðjur frá Bellahöj, NÆM sundhópurinn
Nánar ...

 

 

Fréttasafn eftir mánuðum

Á döfinni

19