Muscat systkinin synda ekki um helgina
26.05.2015
Til bakaLeiðindafréttir bárust frá Sundsambandi Möltu á dögunum en ákveðið hefur verið að Nicola Muscat muni ekki synda á Smáþjóðaleikunum hér á Íslandi um helgina. Fram kemur á vef Morgunblaðsins að henni hafi verið vísað úr maltneska liðinu þar sem hún þótti sýna óviðunandi hugarfar á æfingum.
Bróðir hennar, Neil Muscat var einnig rekinn úr liðinu en þar sem það gerðist fyrr tókst að fá varamann fyrir hann, Matthew Galea.
Nicola var eina sundkonan í liði Möltu en nú er ljóst að einungis verða karlmenn í liðinu um helgina.