15 dagar í sundið á Ólympíuleikum 2016!
William Dickey er sundgarpur sem fæstir sem þetta lesa kannast við. Hann hefur þó unnið til gullverðlauna í Ólympískum dýfingum og er sá fyrsti, og reyndar sá eini, til þess að hreppa þau.
Greinin sem hann keppti í heitir á engilsaxnesku: "Plunge for distance" sem mætti útleggja á íslensku sem "Rennsli án atrennu", "Lengdardýfingar" eða "Feitur magi, drukknandi maður" (útskýring hér að neðan).
Í gærkvöldi lauk Opna Íslandsmótinu í Víðavatnssundi í blíðviðri í Nauthólsvík. Mótið er samstarfsverkefni Hins íslenska Kaldavatnsvélags og Sundsambands Íslands.
42 keppendur skráðu sig til leiks og syntu ýmist 1 km, 3 km eða 5 km. Vegalengdum var svo skipt upp eftir kynjum, aldursflokkum og hvort sundmenn syntu í galla eða ekki.
Opna Íslandsmótið í Víðavatnssundi er haldið í Nauthólsvíkinni í dag. Framkvæmdaraðili mótsins er Hið Íslenska Kaldavatnsfélag.
Keppt er í eftirfarandi vegalengdum í karla og kvennaflokkum:
1 km, 3 km og 5 km.
Aldursflokkar eru 16-25, 26-39, 40-49 og 50 ára og eldri.
Ert þú sundþjálfari? Vilt þú starfa hjá Sundfélaginu Ægi?
Við leitum að öflugum sundþjálfara í okkar frábæra þjálfarahóp til að þjálfa yngri sundmenn félagsins á næsta sundtímabili 2016/2017. Hóparnir æfa í sundlaug Breiðholts, Sundhöll Reykjavíkur og í Laugardalslaug.
Starfssvið:
• Þjálfun yngri hópa félagsins: Bleikjur, Laxar og Höfrungar undir handleiðslu yfirþjálfa
• Halda utan um iðkendaskrá sundmanna og mætingar
• Hafa frumkvæði að þátttöku í mótum í samvinnu við yfirþjálfara
• Vera helsti tengiliður foreldra sundmanna
• Starfa með öflugum þjálfarahópi Ægis að framtíðarsýn og eflingu sundíþóttarinnar
Hæfni:
• Mikilvægt er að viðkomandi hafi reynslu af sundþjálfun
• Íþróttafræðimenntun er kostur
• Sérhæfing í sundþjálfun er kostur
• Hæfni í mannlegum samskiptum er skilyrði
• Viðkomandi þarf að geta unnið í einstöku samstarfi við börn og verið þeim ávallt góð fyrirmynd
Hjá Sundfélagin Ægi starfa 10 þjálfarar, yfirþjálfari er Jacky Pellerin. Hann hefur mikla alhliða reynslu sem sund- og yfirþjálfari. Jacky er einnig þjálfari landsliðsins í sundi. Sundfélagið Ægir hefur reglulega átt fulltrúa á Ólympíuleikum og fjöldan allan af sundmönnum í landsliði SSÍ bæði í fullorðins- og unglingaflokkum.
Sundfélagið Ægir stundar metnaðarfullt starf fyrir alla sundmenn félagsins. Unnið er með uppbyggjandi skipulag sem hefst í Gullfiskahópum með stigvaxandi kröfum upp í Gullhóp. Ægir er keppnisfélag sem stefnir markvisst að afrekum í sundíþróttum. Skýr ásetningur, einbeiting og þrautseigja, er sú afstaða sem Ægir væntir af hverjum og einum sundmanni sem geta leitt af sér meistara í sundíþróttum og lífsleikni.
Umsóknarfrestur er til 7. ágúst næstkomandi, nánari upplýsingar veitir Lilja Ósk Björnsdóttir á aegir@aegir.is.
Stefanía Sigurþórsdóttir stóð sig vel í 200m fjórsundi sem var eina sundið hennar hér á Norðurlandameistaramóti Æskunnar í Tampere í Finnlandi. Hún fór á 2:28,46 sem er bæting uppá 1,30 sekúndur frá gamla tímanum hennar 2:29,73. Sundið skilaði Stefaníu í 5. sæti en hún var skráð inn með 10. besta tímann. 
Ásdís Eva Ómarsdóttir úr Bergensvømmerne setti nú rétt í þessu telpnamet í 100m bringusundi þegar hún synti á 1:15,33 og bætti þar með tveggja ára gamalt met Karenar Mistar Arngeirsdóttur sem var 1:15,66. Gamli tími Ásdísar var 1:15,67 svo þetta er persónuleg bæting um 33/100 
Brynjólfur Óli Karlsson fór 200m baksund nú í morgun og synti 2:14,29 sem er um tveimur og hálfri sekúndu frá hans besta. Tíminn dugði þó í 6. sæti í greininni. 
Jóhanna Elín Guðmundsdóttir úr SH var að koma í bakkann í 50m skriðsundi á NÆM í Tampere. Hún sigraði sinn riðilinn með tæplega sekúndu bætingu - fór á 27,22 en var skráð inn á 28,17. Jóhanna endaði í 6. sæti af 25 keppendum. Brynjólfur Óli Karlsson úr Breiðablik synti 100m bringusund rétt í þessu á tímanum 1:01,30 og endaði tíundi. Þetta er nokkuð frá hans besta sem er 1:00,40. Brynjólfur syndir 200m baksund í fyrramálið. Ásdís Eva Ómarsdóttir synti rétt í þessu 200m bringusund á NÆM í Tampere og er morgunhlutanum þá lokið hjá Íslendingunum. Ásdís synti á 2:43,83 og endaði í 8. sæti. Tíminn er bæting upp á um 2 sekúndur sléttar í 50m lauginni.Jóhanna Elín Guðmundsdóttir úr SH synti rétt í þessu 100m skriðsund og vann sinn riðil á tímanum 1:00,04 - bæting upp á 1,25 sekúndur. Tíminn dugði í 10. sæti í greininni en því miður var hún dæmd úr leik fyrir að hreyfa sig á pallinum. 
Norðurlandameistaramót Æskunnar (Nordic Age-Group Championships) fer fram núna um helgina, dagana 9-10. júlí í Tampere í Finnlandi.
Fjórir íslenskir keppendur eru skráðir til leiks en það eru þau Jóhanna Elín Guðmundsdóttir úr SH, Stefanía Sigurþórsdóttir úr ÍRB, Brynjólfur Óli Karlsson úr Breiðabliki og Ásdís Eva Ómarsdóttir úr Bergensvømmerne. Þjálfari í ferðinni er Arna Þórey Sveinbjörnsdóttir og fararstjóri er Emil Örn Harðarson, starfsmaður SSÍ.
Jóhanna keppir í 50m skriðsundi og 100m skriðsundi, Stefanía keppir í 200m fjórsu
