Beint á efnisyfirlit síðunnar

Fréttalisti

16.07.2014

Sunddeild ÍBV auglýsir eftir þjálfara

Sundfélags ÍBV auglýsir eftir metnaðarfullum einstakling í starf þjálfara fyrir komandi sundtímabil 2014 – 2015. Umsækjandi þarf að geta hafið störf um mánaðarmótin ágúst/september. Í starfinu felst að hafa umsjón með öllum hópum. Sjá um í samráði við stjórn Sundfélags ÍBV að félagið geti boðið upp á alla sundþjálfun, allt frá byrjendakennslu til afreksþjálfunar. Æskilegt er að viðkomandi hafi: • Menntun og reynsla á sviði íþrótta- og/eða sundþjálfunar . • Reynsla og hæfni í mannlegum samskiptum. • Frumkvæði og sjálfstæði í starfi. • Skipulögð vinnubrögð. Allar umsóknir verða skoðaðar. Umsóknir sendist til annals@grv.is
Nánar ...
13.07.2014

EMU 2014 lokið

Nú hafa allir íslensku keppendurnir lokið keppni á EMU. Kristinn synti 400 m. fjórsund og bætti sig. Fyrir undanrásir var hann í 35. sæti og endaði í 24. sæti. Glæsilegt sund hjá honum og hann sáttur að geta endað mótið vel. Krakkarnir fara á lokahóf sem haldið verður fyrir sundmennina á einu hótelinu hérna í borginni. Nú tekur við áframmhaldandi undirbúningur hjá Kristni og Sunnevu Dögg fyrir Kína ferðina í ágúst. En dagurinn á morgunn verður nýttur til hvíldar og ferðalagsins heim. Kveðjur frá EMU hópnum í Dordrecht.
Nánar ...
13.07.2014

NÆM 2014 lokið

Allir eru kátir hér í Bellahöj, það er farið að rigna svo veðrið vinnur með okkur, væri slæmt ef við þornuðum um of. Gunnhildur byrjaði á því að synda 50m flug rétt við sinn besta tíma 32,61 (32,57) , Næst synti Harpa 400m skriðsund en hún náði sér ekki á strik kom í bakann á 4.38,96 (4.34,68) Ólafur synti einnig 400m skriðsund hann var í frábærum gír, synti á 4.16,12 (4.20,85) rúmlega 4,5 sek bæting Eydís Ósk var næst í 200m baksundi en hún var töluvert frá sínum tíma á 2.34,76 (2.28,72), Karen Mist synti flott 100m bringusund rétt við hennar besta tíma 1.15,71 (1.15,66) Stefanía stakk svo sér svo síðust til sunds af okkar fólki hér á NÆM er hún synti fínt 200m fjórsund 1 sekúndu frá hennar besta á 2.33,35 (2.32,33). Við getum verið stolt af sundfólkinu okkar sem tók þátt í NÆM, þau voru flest að synda sitt fyrsta mót fyrir Ísland og gerðu það vel, margar góðar bætingar eða rétt við sína tíma nokkur sund fóru ekki eins vel en allt fer þetta í reynslubankann hjá þessu unga og efnilega sundfólki, það verður gaman að fylgjast með þeim í framtíðinni. Bestu kveðjur frá Bellahöj, NÆM sundhópurinn
Nánar ...
13.07.2014

Dagur 1, seinni hluti á NÆM 2014

Seinni hlutinn í dag hér á NÆM byrjaði með látum, Karen Mist bætti eigið telpnamet í 50m bingu er hún synti á 34,66 en fyrra metið hennar var 35,40 :-) Vel gert. Næstar voru Stefanía og Eydís Ósk í 400m fjór, Stefanía bætti sig um 2,5 sek :-) en Eydís Ósk var 2 sek frá sínum tíma. Næst var 200m skriðsund Eydís Ósk var þá aftur mætt ásamt Hörpu og Ólafi, þau syntu öll aðeins frá sínum tímum. Katarína var svo rétt við sinn tíma í 100m bak. Gunnhildur átti svo síðasta einstaklings sundið í hlutanum hún bætti sig um 1 sek í 100m flugsundi 1.08,85 (1.09,89). Stelpurnar syntu svo 4x100m skriðsund en það gekk ekki vel, stelpurnar syntu allar töluvert frá sínum bestu tímum. Þá er bara einn hluti eftir en hann hefst í fyrramálið klukkan 8:00 á íslenskum tíma, Bestu kveðjur frá NÆM-hópnum í Bellahöj DK. Karen Mist í hörkubaráttu í 200m bringu í morgun.
Nánar ...
12.07.2014

Dagur 1, fyrri hluti á NÆM 2014

Sundfólkið á NÆM stóð sig mjög vel í morgun en mótið hófst þá, keppt er í þrem hlutum tveir í dag og einn á morgun sunnudag. Fyrsta sundið okkar var 800m skrið, þar kepptu Stefanía, Katarína, Harpa og Eydís Ósk. Stefanía og Katarína voru með flottar bætingar, Harpa rétt við sinn tíma en það dugði henni í 3ja sætið í greininni. Eydís Ósk var aðeins frá sínu besta. Næstur var Ólafur eini herramaðurinn í hópnum hann synti 1500m skrið og var hann aðeins frá sínum tíma. Gunnhildur synti svo 200m bak, Stefanía og Karen Mist 200m bringu voru þær allar með góðar bætingar. Síðast en ekki síst syntu Harpa, Eydís Ósk, Gunnhildur og Karen Mist 4x100m fjórsund áttu þær allar mjög gott sund. Tíminn þeirra 4.41,56 er rúmum 6 sek undir íslenska telpnametinu
Nánar ...
12.07.2014

Dagur 4 á EMU 2014

Nú er 4.degi á EMU lokið. Krakkarnir stóðu sig ágætlega í dag. Kristinn byrjaði daginn með því að synda 50 m. baksund og var um hálfa sekúndu frá sínum besta tíma. Íris Ósk tók síðan við og synti 100 m. baksund. Hún synti betur en hún hefur verið að gera á mótinu til þessa og var það ánægjulegt að sjá. Síðan syntu krakkarnir 4*100 m. fjórsund boðsund og þar náðu þau öll að synda vel. Þröstur lauk síðan deginum og synti 800 m. skriðsund strax á eftir boðsundinu. Hann byrjaði sundið vel en náði síðan ekki að halda það almennilega út. Hann hefur verið að kljást við hálsbólgu og hefur það að sjálfsögðu gert honum erfiðara fyrir. En krakkarnir bera sig vel og eru orðin reynslunni ríkari eftir mótið.
Nánar ...
12.07.2014

Dagur 3 á EMU

Þriðja degi er nú lokið og var árangur íslensku krakkanna aðeins betri.  Allt þetta fer í reynslubankann þeirra sem er jú mikilvægt þó svo að þau og við öll hefðum viljað sjá bætingar. Íris Ósk...
Nánar ...
10.07.2014

Dagur 2 á EMU 2014

Öðrum keppnisdegi á EMU er nú lokið. Krakkarnir voru ákveðnari og litu miklu betur út heldur en á fyrsta degi. Sunneva byrjaði daginn fyrir íslenska liðið þegar hún synti 400 m. skriðsund. Kristinn synti síðan 200 m. fjórsund og síðan kom boðsundið 4*100 m. skriðsund. Að lokum synti Þröstur 1500 m. skriðsund. Þó svo að árangurinn hafi ekki verið það sem vonast var eftir þá upplitið betra á okkar unga keppnisfólki. Þau tóku síðan æfingu seinnipartinn og áttu síðan góða hvíldartíma.
Nánar ...
08.07.2014

Ólympíuleikar Ungmenna í Kína

Ólympíuleikar Ungmenna verða haldnir í Nanjing í Kína í ár og verða þeir settir þann 16. ágúst. Alþjóðasundsambandið (FINA) hefur gefið út hvaða sundmenn fá að synda á leikunum en það eru þau Kristinn Þórarinsson, Fjölni og Sunneva Dögg Friðriksdóttir, ÍRB. Þjálfari verður Arna Þórey Sveinbjörnsdóttir en hún starfar sem yfirþjálfari sunddeildar Breiðabliks. Sundið fer fram dagana 17. - 22. ágúst og munum við fylgjast grant með.
Nánar ...
07.07.2014

EMU 2014 í Dordrecht

Fjórir keppendur lögðu af stað til Dordrecht í Hollandi í morgun ásamt fylgdarfólki en þar munu þau taka þátt í Evrópumeistaramóti Unglinga í 50m laug. Mótið stendur frá 9. júlí til 13. júli. Íslenska liðið stendur saman af þeim Þresti Bjarnasyni, Sunnevu Dögg Friðriksdóttur og Írisi Ósk Hilmarsdóttur, öll úr ÍRB og Kristni Þórarinssyni sem æfir með Fjölni. Þjálfari er Ragnheiður
Nánar ...
07.07.2014

Yfirþjálfari óskast hjá Sundfélagi Vestra

Yfirþjálfari óskast hjá Sundfélagi Vestra á Ísafirði Um er að ræða kennslu og yfirumsjón með þjálfun á vegum félagsins. Viðkomandi verður að geta unnið með börnum og unglingum og verið þeim góð fyrirmynd. Stundaskrá næsta vetrar:
Nánar ...

 

 

Fréttasafn eftir mánuðum

Á döfinni

7