Eygló Ósk fimmta inn í undaúrslit kvöldins á EM50
Eygló Ósk synti nú 200m baksund á tímanum 2.11.30
Eygló er fimmta inn í undanúrslit kvöldsins á EM50 í London.
Íslandsmet hennar er 2.09.04
Fréttalisti
Eygló Ósk synti nú 200m baksund á tímanum 2.11.30
Eygló er fimmta inn í undanúrslit kvöldsins á EM50 í London.
Íslandsmet hennar er 2.09.04
Anton sjötti inn í undanúrslit kvöldsins
Anton Sveinn synti rétt í þessu 100m bringusund á EM50 í London á tímanum 1.00.79 og mun synda í undanúrslitum í kvöld! Hann er sjötti inn í undanúrslitin í kvöld.
Íslandsmetið hans er 1.00.53.
Bryndís í undanúrslitum í kvöld!
Bryndís Rún synti rétt í þessu 50m flugsund á EM50 í London, hún synti á nýju Íslandsmeti 26,68 og tryggði sér sæti í undanúrslitum í kvöld!
Gamla metið átti hún sjálf 26.79 sett á ÍM50 2015.
SH sigurvegarar IMOC 2016
Nú um helgina fór fram Opna Íslandsmótið í Garpasundi, IMOC. Sundfélag Hafnarfjarðar sá um framkvæmd mótsins að þessu sinni í Ásvallalaug og þakkar Sundsamband Íslands þeim fyrir faglega og góða vinnu.
166 keppendur voru skráðir frá 14 liðum, 107 karlar og 59 konur. Sá yngsti sem keppti var 21 árs og þeir elstu áttræðir. Þá fengum við 12 sundmenn úr Havnar Svimjifjelag frá Færeyjum.
Heimamenn í SH sigruðu stigakeppni liða 20. árið í röð sem verður að teljast ótrúlegur árangur. Dagur 3 á ÍM50 og 17 ára gamalt piltamet féll !
Lokadagur ÍM50 hófst í morgun, þá jafnaði blandaða boðsundssveit (2 konur og tveir karlar) SH íslandsmet sitt í 4x50m skriðsundi. Syntu þau á tímanum 1.40.32 sem er nákvæmleg sami tími og þau syntu á í fyrra. Sveitina skipuðu : Aron Örn Stefánsson, Predrag Milos, Ingibjörg Kristín Jónsdóttir og Hrafnhildur Lúthersdóttir.
Í lokagrein mótsins setti piltasveit sundfélagsins Ægis piltamet í 4x100m skriðsundi, þeir syntu á tímanum 3.47.87. Gamla metið átti sveit Ægis og var það sett fyrir 17 árum í Hveragerði. Tíminn var þá 3.49.25. Sveitina í dag skipuðu þeir : Hólmsteinn Skorri Hallgrímsson, Bjartur Þórhallsson, Hilmir Örn Ólafsson og Kristján Gylfi Þórisson
Á ÍM50 eru veittar sérstakar viðurkenningar fyrir bestu afrek mótsins og einnig afrek á milli íslandsmeistaramóta.
Pétursbikarinn er gefinn í minningu Péturs Kristjánssonar sundkappa úr sunddeild Ármanns. Gefandi gripsins er fjölskylda Péturs. Pétursbikarinn er farandgripur sem er veittur árlega í karlaflokki fyrir besta afrek í sundi, samkvæmt stigatöflu FINA, unnið frá lokum íslandsmeistaramóts í 50 metra laug, sem haldið er á vegum Sundsambands Íslands, til loka næsta íslandsmeistaramóts í 50 metra laug.
Pétursbikarinn hlaut að þessu sinni Anton Sveinn Mckee fyrir 200m bringusund sem hann synti í Kazan á HM50 í ágúst 2015.
Kolbrúnarbikarinn er gefinn í minningu Kolbrúnar Ólafsdóttur sundkonu úr sunddeild Ármanns. Gefandi gripsins er fjölskylda og vinir Kolbrúnar.
Kolbrúnarbikarinn er farandgripur sem er veittur árlega í kvennaflokki fyrir besta afrek í sundi, samkvæmt stigatöflu FINA, unnið frá lokum íslandsmeistaramóts í 50 metra laug, sem haldið er á vegum Sundsambands Íslands, til loka næsta íslandsmeistaramóts í 50 metra laug.
Hrafnhildur Lúthersdóttir vann Kolbrúnarbikarinn að þessu sinni fyrir 200m bringusund sem hún synti á HM50 í Kazan í ágúst 2015.
Sigurðarbikarinn er gefinn í minningu Sigurðar Jónssonar Þingeyings. Gefandi hans er fjölskylda Sigurðar.
Sigurðarbikarinn er farandgripur sem er veittur árlega fyrir besta afrek í bringusundi, unnið á Íslandsmeistaramóti í 50 metra laug sem haldið er á vegum Sundsambands Íslands.
Hrafnhildur Lúthersdóttir vann Sigurðarbikarinn að þessu sinni fyrir 100m bringusund á ÍM50 2016.
Ásgeirsbikarinn er gefinn í minningu Ásgeirs Ásgeirssonar fyrrverandi forseta Íslands. Gefandi er forseti Íslands, Hr. Ólafur Ragnar Grímsson.
Ásgeirsbikarinn er farandgripur sem er veittur árlega fyrir besta afrek í sundi, samkvæmt stigatöflu FINA, unnið á Íslandsmeistaramóti í 50 metra laug sem haldið er á vegum Sundsambands Íslands.
Það var Íþróttamaður ársins 2015 Eygló Ósk Gústafsdóttir sem hlaut Ásgeirsbikarinn að þessu sinni fyrir 200m baksund á ÍM50 2016.
Árangur mótsins var ágætur og hafa nú fjórir sundmenn tryggt sér keppnisrétt á EM50 sem hefst 16.maí n.k Það eru þau Anton Sveinn Mckee,Bryndís Rún Hansen, Eygló Ósk Gústafsdóttir og Hrafnhildur Lúthersdóttir.
Þrír hafa tryggt sér keppnisrétt á EMU, Evrópumeistaramóti unglinga sem verður haldið í Ungverjalandi í júlí. það eru þær Eydís Ósk Kolbeinsdóttir, Snæfríður Jórunnardóttir og Sunneva Dögg Friðriksdóttir.
Einnig hafa tveir keppendur náð lágmörkum á Norðurlandamót Æskunnar í Finnlandi í júlí. það eru þau Brynjólfur Óli Karlsson,Stefanía Sigurþórsdóttir og Jóhanna Elín Guðmundsdóttir
Dagur tvö á ÍM50
.jpg?proc=100x100)
ÍM50 hélt áfram í gær laugardag. Anotn Sveinn sigraði í 50m bringusundi og var mjög nálægt íslandsmeti Jakobs Jóhanns sem sett var í Róm árið 2009.
Nú þegar hafa fjórir sundmenn náð lágmarki á EM50 sem haldið verður í London um miðjan maí. Það eru þau Anton Sveinn, Eygló Ósk, Hrafnhildur Lúthersdóttir og Bryndís Rún. Þá hafa þær Sunneva Dögg, Snæfríður Jórunnardóttir og Eydís 'Osk Kolbeinsdóttir náð lágmarki fyrir Evrópumeistaramót unglinga sem haldið verður í Ungverjalandi júlí. Brynjólfur Óli Karlsson og Stefanía Sigurþórsdóttir hafa náð lágmörkum á Norðurlandameistaramót æskunnar sem haldið verður í Finnlandi í júlí.
Nánari úrslit af mótinu er hægt að finna með því að skoða þennan hlekk: http://www.swimrankings.net/services/CalendarFile/15409/live/index.html
Breytingar á viðmiðum vegna EMU 2016
Vegna mistaka voru gefin út röng aldursviðmið fyrir karla/pilta á EMU. Í samræmi við reglugerð LEN um EMU geta karlar/piltar sem eru á aldrinum 15 ára, 16 ára, 17 ára og 18 ára öðlast keppnisrétt á EMU. Þetta eru árgangar karla/pilta sem eru fæddir árin 1998 - 2001. Áður hafði verið gefið út að árgangar karla/pilta fæddir árin 1997-1999 gætu áunnið sér keppnisrétt, en það er rangt. Árgangur 1997 fellur út en þess í stað bætast við árgangar fæddir 2000 og 2001.
Í kvenna/stúlknaflokki bætist við árgangur 2002, þannig að fæðingarárgangar kvenna/stúlkna 1999-2002 geta öðlast keppnisrétt á EMU. Ástæða þessa eru mistök við uppsetningu á viðmiðum fyrir ári síðan og Sundsambandi Íslands þykkir mjög leitt að þetta hafi ekki uppgötvast fyrr.Dagur 1 á ÍM50 lokið
Fyrsta degi á ÍM50 er lokið. Bryndís Rún Hansen úr Óðni tryggði sér keppnisrétt á EM50 í London í maí í 50m skriðsundi og 100m flugsundi, en hún varð Íslandsmeistari í báðum þessum greinum í dag. Sunneva Dögg Friðriksdóttir úr ÍRB setti stúlknamet í
400m skriðsundi á tímanum 4:20.66. Eldra metið átti Eygló Ósk úr Ægi og var það 4:23.24. Brynjólfur Óli Karlsson úr Breiðabliki náði lágmarki á Norðurlandameistarmót æskunnar sem haldið verður í Finnlandi í sumar. Nú þegar hafa Eygló Ósk, Hrafnhildur Lúthersdóttir, Anton Sveinn og Bryndís Rún tryggt sér keppnisrétt á EM50 sem hefst í London þ. 16.maí n.k. Eygló Ósk synti mjög vel 200m baksund og var rétt við íslandsmet sitt. Þess má geta að Eygló hefur ekkert hvílt sérstaklega fyrir þetta mót og það sama má segja um Hrafnhildi og Anton enda stefna þeirra allra að toppa á EM50 í maí.
Mótið hefst aftur í fyrramálið kl 10:00 og verða úrslitasundin kl 16:30 á morgun.
Hægt er að fylgjast með beinum úrslitum á : http://www.swimrankings.net/services/CalendarFile/15409/live/index.htmlEnn vatnar dómara og aðra starfsmenn á ÍM50
Meðfylgjandi er linkur á nýjasta starfsmannalistann fyrir ÍM50 :http://www.sundsamband.is/library/Sundithrottir/Sundmot/2015/IM50/D%C3%B3maraskr%C3%A1%20%C3%8DM50%202016.pdf
Mikilvægt er að hvert félag passi vel upp á að þeir skili réttu hlutfalli starfsmanna svo mótið gangi snuðrulaust fyrir sig.
Enn vantar dómara á alla hluta og þul á föstudagsmorgun.
Skráningar fara fram á : skraningssimot@gmail.comFullt hús á erindi Hrafnhildar og Ingibjargar
Það var fullt út að dyrum á erindi Hrafnhildar Lúthersdóttur og Ingibjargar Kristínar í gærkvöldi í E-sal ÍSÍ.
Ingibjörg og Hrafnhildur fóru yfir hvernig það er að vera sundmaður og námsmaður í Bandaríkjunum.
Erindið tókst virkilega vel enda Hrafnhildur og Ingibjörg flottar fyrirmyndir fyrir unga og upprennandi sundmenn.
Sundmenn, foreldarar og þjálfarar mættu til að hlusta og voru margir það áhugsamir að stúlkurnar höfðu vart undan að svara spurningum.ÍM50 2016 - Þrír dagar til stefnu
Næstu helgi, dagana 22-24. apríl, fer Íslandsmeistaramótið í 50m laug fram í Laugardalslauginni.
Fyrstu drög að keppendalista hafa verið gefin út en listann, tímaáætlun og aðrar upplýsingar eru að finna á ÍM50 síðunni okkar. Morgunhlutar hefjast með upphitun kl. 8:30 og keppni 10:00. Keppni í úrslitum hefst svo kl. 17:30 á föstudag en hina dagana kl. 16:30.Formannafundur laugardaginn 23.apríl
Formannafundur SSÍ verður haldinn 23.apríl strax á eftir úrslitahluta laugardagsins á ÍM50. Líklega um kl 18.30- 19.00. Fundurinn verður haldinn á Cafe Easy í ÍSÍ húsinu í Laugardal.
Eftir fundinn verður boðið uppá góðan mat og léttar veitingar.
Formannafundur er fyrir formenn félaga eða staðgengil formanns úr stjórn.
Vinsamlega tilkynnið þátttöku á sundsamband@sundsamband.is
fyrir þriðjudaginn 19.apríl.
- Fyrri síða
- 1
- ...
- 103
- 104
- 105
- ...
- 144
