Laugardaginn 10.september verður haldinn upplýsingafundur fyrir Tokyo 2020 hópinn, þessi fundur er fyrir það sundfólk sem náði Tokyo lágmörkum á haustönn 2015 og fyrir þau sem náðu lágmörkum á vorönn 2016.
Fundurinn hefst kl 11.30 í E- sal á þriðju hæð í húskynnum ÍSÍ.
.JPG?proc=100x100){kind=logo}
Lágmörk og viðmið fyrir sundárið 2016-2017 eru komin út.
Upplýsingarnar má finna hér: http://www.sundsamband.is/sundithrottir/lagmork-og-vidmid/
Laugardaginn 10.september n.k verða haldnir fundir fyrir Tokyo 2020 hóp, formenn og þjálfara í húsakynnum ÍSÍ í Laugardalnum.
Dagskráin er sem hér segir:
Færðu ekki nóg af íþróttum? Veistu ekki hvað þú átt að gera af þér eftir að Ólympíuleikunum lauk?
The Olympic Channel - Ólympíustöðin er ný vefsjónvarpsstöð
Sundkonurnar Eygló Ósk Gústafsdóttir og Hrafnhildur Lúthersdóttir komu heim seint í kvöld frá Ríó, eftir að hafa gert góða ferð á Ólympíuleikana. Anton Sveinn Mckee sem einnig keppti í sundi á leikunum er þegar kominn til Bandaríkjanna þar sem hann heldur áfram námi sínu samhliða æfingum. Formaður og varaformaður Sundsambandsins tóku á móti sundkonunum við komuna í Leifsstöð og færðu þeim blómvendi, sem örlítinn þakklætisvott fyrir skemmtunina.
Þá er glæsilegum Ólympíuleikum lokið með frábærum árangri okkar sundfólks. Við erum afar stolt af sundfólkinu og óskum þeim enn og aftur innilega til hamingju með árangurinn.
Í gær hófst nýtt sundár með fyrsta stjórnarfundi. Hjá SSÍ eru allir spenntir að takast á við nýtt sundár enda virkilega skemmtilegt að hefja það eftir svona góðan árangur í sundi á ÓL 2016.
Það var tekin ákvörðun um að halda formanna- og þjálfarafund laugardaginn 10.september n.k og einnig var ákveðið að halda þann dag kynningarfund með þeim krökkum sem tóku þátt í Tokyo 2020 verkefninu á síðasta sundári.
Við munum senda út nánari upplýsingar von bráðar. Einnig er verið að leggja lokahönd á lágmörk og viðmið fyrir þetta sundár og verða þau vonandi gefin út í byrjun næstu viku.
Þjálfaranámskeið verður haldið í Reykjavík helgina 23.- 25. september n.k og væntanlega verður annað námskeið haldið á Akureyri helgina 30.- 2.okt.
Allar nánari upplýsingar eru væntanlegar fljótlega.
Endilega takið 10.september frá, við hlökkum til að hitta ykkur kát og hress !
Eygló Ósk úr S.f Ægi synti rétt í þessu 200m baksund á ÓL í Ríó og endaði í áttunda sæti á tímanum 2.09.44.
Þar með lauk Eygló Ósk keppni á ÓL 2016 með glæsilegum árangri. Í gær synti hún 200m baksund á nýju íslandsmeti og Norðurlandameti 2.08.84
Þetta er þriðji besti árangur Íslendings á Ólympíuleikum frá upphafi.
Eygló Ósk úr S.f Ægi synti rétt í þessu 200m baksund á ÓL í Ríó og er komin í úrslit á Ólympíuleikum, önnur íslenskra kvenna. Hún synti á nýju íslandsmeti og þetta er einnig nýtt norðurlandamet..jpg?proc=100x100)
Eygló Ósk synti rétt í þessu 200m baksund á ÓL og tryggði sér tólfta sætið inn í undanúrslit í kvöld. Eygló synti á tímanum 2.09.62 sem er rétt við íslandsmetið hennar, 2.09.04.
Það verður gaman að fylgjast með Eygló synda aftur í kvöld en RÚV mun sýna frá sundinu um kl 1.30 í nótt.
Áfram Ísland.jpg?proc=100x100)
Þá hafa Anton Sveinn og Hrafnhildur Lúthersdóttir lokið keppni á Ólympíuleikunum í Ríó með glæsilegum árangri sem þau og allir geta verið virkilega stolt af.
Við erum heppin að eiga einn keppenda eftir í sundi á ÓL en það er Eygló Ósk sem mun synda 200m baksund í dag um kl 17:30. Hún syndir í síðasta riðlinum í þeirri grein og það verður gaman að fylgjast með hvort að hún komist í undanúrslit aftur eins og í 100m baksundi.
Hrafnhildur synti í undanúrslitum rétt í þessu í 200m bringusundi á ÓL á tímanum 2.24.41 og endaði í 11 sæti.
Síðasti tími inn í úrslit var 2.22.87 en íslandsmet Hrafnhildar er 2.22.96 sett á EM50 í london í maí.
Þá hefur Hrafnhildur lokið keppni í Ríó með frábærum árangri en hún er fyrsta íslenska sundkonan sem kemsti úrslit á Ólympíuleikum.
Hrafnhildur synti 200m bringusund nú rétt í þessu á ÓL á tímanum 2.24.43 og er tíunda inn í undanúrslit og mun synda aftur í kvöld ca kl.02.20.
Íslandsmet Hrafnhildar er 2.22.96. Það verður gaman að fylgjast með henni aftur í kvöld.
Áfram Ísland.
