Beint á efnisyfirlit síðunnar

Fréttalisti

29.07.2013

Eygló Ósk og Anton Sveinn keppa á morgun.

Þá hafa Íslendingarnir lokið við keppni dagsins. Hrafnhildur og Eygló geta báðar unað vel við sinn árangur í dag, þó ný met hafi ekki litið dagsins ljós að þessu sinni. Þeim leið vel í lauginni og syntu vel. Á morgun keppa þau Eygló Ósk í 200 metra skriðsundi og Anton Sveinn í 800 metra skriðsundi. Íslandsmetin í þessum greinum eru bæði frá þessu ári, Eygló setti met í 200 metra skriðsundi á Smáþjóðaleikunum í Lúxemborg í júní og Anton Sveinn setti met í 800 metra skriðsundi með millitíma þegar hann synti 1500 metra skriðsund á ÍM50 í apríl sl.
Nánar ...
29.07.2013

Hrafnhildur varð 30. í 100 metra bringusundi

Hrafnhildur varð 30. þegar hún lauk keppni í 100 metra bringusundi nú í morgun. Tíminn hennar var 1:09,75. Íslandsmetið hennar er 1:09,48 frá því í apríl síðasliðnum. Hrafnhildur var skráð með 32. besta tímann í upphafi keppni. Meilutyte stúlkan frá Litháen, sem kom öllum á óvart á ÓL í London, setti mótsmet í síðasta riðlinum þegar hún synti á 1:04,52, en hún var fyrirfram skráð með besta tímann í greininni. Síðasti tími inn í undanúrslit var 1:08,36.
Nánar ...
29.07.2013

Eygló Ósk í 20. sæti í 100 metra baksundi

Eygló Ósk Gústafsdóttir varð 20. í 100 metra baksundi á HM50 í Barcelona en var skráð inn í keppnina með 22 besta tímann. Hún synti á tímanum 1:01,74, en síðasti tíminn inn í undanúrslit var 1:01,25. Íslandsmet Eyglóar í greininni er 1:01,08.
Nánar ...
29.07.2013

Eygló og Hrafnhildur í góðum gír

Eygló Ósk Gústafsdóttir og Hrafnhildur Lúthersdóttir eru nú að búa sig undir keppni dagsins. Eygló er að fara í 100 metra baksund og Hrafnhildur í 100 metra bringusund. Þær eru í góðum gír eins og sjá má á meðfylgjandi mynd. Íslandsmetin í greinunum eru: 100m baksund 1:01,08 sem Eygló á sjálf frá því á þessu ári og 100m bringusund 1:09,48 sem Hrafnhildur á frá því á ÍM50 á þessu ári
Nánar ...
28.07.2013

Fín byrjun, Anton Sveinn með Íslandsmet

Anton Sveinn McKee var rétt í þessu að setja nýtt Íslandsmet í 400 metra skriðsundi karla hér á Heimsmeistaramótinu. Hann syndi greinina á 3:54,67, bætti metið sitt um 1,98 sekúndu og varð þriðji í sínum riðli. Að lokum varð hann 27. í greininni en hann var skráður inn með 35. besta tímann. Gamla metið átti hann sjálfur frá því á Smáþjóðalekinum í Lúxemborg nú í júní en það var 3:56,65. Fín byrjun hjá íslenska liðinu í Barcelona. Eygló Ósk gekki ekki eins vel hún synti 200 metra fjórsund á 2:18,18 sem er um þremur og hálfri sekúndu frá Íslandsmeti hennar. Eygló fann sig ekki eins vel í lauginni og Anton og hún endaði í 33 sæti, en var skráð inn með 29 besta tímann í greininni. Á morgun synda þær stöllur Eygló Ósk 100 metra baksund og Hrafnhildur Lúthersdóttir 100 metra bringusund. Við hlökkum til, vitum að Eygló á töluvert inni og Hrafnhildur er í fantaformi.
Nánar ...
28.07.2013

Keppnisdagskrá á HM50 - Anton Sveinn og Eygló Ósk verða í eldlínunni í dag.

Í dag hefst HM50 í Barcelona og keppnisdagskráin fylgir hér að neðan í töflu. Anton Sveinn hefur keppni í annarri grein mótsins, fyrir Íslands hönd með 400 metra skriðsundi. Íslandsmetið hans í greininni er 3:56,65 sem hann setti á Smáþjóðaleikunum í Lúxemborg í byrjun júní. Eygló Ósk er svo strax í þriðju grein sem er 200 metra fjórsund. Hún á einnig Íslandsmetið í þeirri grein 2:14,87 en það setti hún á Íslandsmeistaramótinu í apríl 2012. Við væntum mikils af keppendum okkar hér á HM, gerum raunhæfar kröfur og vonumst til að uppskera í samræmi við það sem fólkið okkar hefur lagt í undirbúninginn. Lista yfir Íslandsmet og uppfærð Íslandmet má sjá hér.
Nánar ...
27.07.2013

Keppnissundið hefst á morgun á HM - íslensku keppendurnir komu til Barcelona í gær

Íslensku keppendurnir sem keppa á HM50 komu til Barcelona í gær frá Canet þar sem þau voru í æfingabúðum, ásamt Jacky Pellerin landsliðsþjálfara og Unni Sædísi Jónsdóttur sjúkraþjálfara. Jacky og Unnur verða hér með sundfólkinu ásamt Herði Oddfríðarsyni formanni SSÍ. Keppnin hefst á morgun og síðar í dag munum við birta úttekt á þáttöku Íslands í mótinu. Myndirnar sýna Jacky og Unni standa upp á verðlaunapallinum fyrir ofan laugina í Barcelona en hin myndin sýnir íslensku keppendurna á mótinu.
Nánar ...
26.07.2013

Dr. Julio Maglione endurkjörinn forseti FINA - startbúnaður fyrir baksund samþykktur

Dr. Julio Maglione var endurkjörinn forseti FINA á ársþingi FINA sem lauk í hádeginu í dag. Hann var einn í framboði og það sama má segja um alla aðra sem voru í kjöri til stjórnar FINA. Í fyrsta skipti í mörg ár er enginn frá norðurlöndunum í stjórn FINA og óvíst með hversu marga norræna blokkin fær í starfsnefndir FINA á þessu kjörtímabili. Á þinginu voru uppfærðar og gerðar minniháttar breytingar og orðalagsbreytingar á lögum FINA (Constitution og General Rules), auk þess sem mannvirkja- og tækjareglur (Facilities Rules) FINA voru lagaðar til. Einstaka breytingar voru þau veigameiri en aðrar td að kynblönduð boðsund eru nú orðin fastur liður á HM25 og HM50, en tillaga um að skylda FINA til að hafa "underwater" myndavél til að aðstoða dómara á ÓL og HM var felld. Þá var gerð sú breyting á mannvirkjareglum að laugar eru nú mældar með nákvæmni upp á 1/1000 úr metra. Mesta breytingin er samt sú að nú má hafa sérstakar startblokkir fyrir baksundsfólk. Töluverð umræða varð um þetta atriði. Þetta þing FINA var frekar rólegt og nokkur sátt virðist ríkja innan allra heimsálfanna nema Evrópu.
Nánar ...
25.07.2013

Ráðstefnur Fina, Heimsmeistaramótið í sundíþróttum í Barcelona

Nú stendur yfir Heimsmeistaramótið í sundíþróttum, en það byrjaði þann 19. júlí hér í Barcelona. Fram til þessa hefur staðið yfir keppni í víðavatnssundi, dýfingum, samhæfðri sundfimi og sundknattleik. Sundkeppnin hefst nk sunnudag 28. júlí og stendur til 4. ágúst. Íslenska sundfólkið sem keppir á HM50 kemur til Barcelona á morgun frá Frakklandi, þar sem þau hafa verið í æfingabúðum Samhliða keppninni eru settar á dagskrá tækniráðstefnur allra sundíþróttagreinanna en þær eiga að fara yfir og leggja blessun sína yfir tillögur um breytingar á reglum greinanna áður en þær eru lagðar fyrir ársfund FINA. Í dag voru tækniráðstefnur keppnissunds og garpasunds. Margar smávægilegar tillögur um breytingar og orðalagsbreytingar lágu fyrir keppnissundsráðstefnunni, en sú viðamesta að leyfa ótakmörkuð höfrungaspörk að 15 metrum eftir ræsingu var felld með miklum meirihluta fundarmanna. Þessi tillaga kemur því ekki til atkvæða á morgun á ársfundi FINA. Önnur tillaga liggur fyrir á morgun en það er nýr rásbúnaður fyrir baksundsfólk, sjá mynd. Það verður fróðlegt að sjá hverjar lyktir þeirrar tillögu verða.
Nánar ...
21.07.2013

Íslandsmótið í Víðavatnssundi 2013

Íslandsmótið í Víðavatnssundi 2013 fór fram síðastliðinn fimmtudag í Nauthólsvík. Fjörtíu og fjórir keppendur luku keppni í karla og kvennaflokkum og 1km og 3km vegalengdum. Heildarúrslit mótsins má sjá með því að smell...........
Nánar ...

 

 


Fréttasafn eftir mánuðum