Þá er AMÍ 2013 á Akureyri lokið. ÍRB vann stórsigur í keppninni og fékk 1016 stig. Hér fyrir innan er að finna ýmsar upplýsingar um úrslit og niðurstöður mótsins. Myndin er tekin af heimasíðu yfirþjálfara ÍRB Anthony Kattan.
Þá er næstsíðasta mótshluta AMÍ á Akureyri lokið. ÍRB leiðir ennþá með töluverðum mun. Stigastöðu eftir 44 grein má sjá hér fyrir innan.
ÍRB leiðir stigakeppni félaga á AMÍ með töluverðum yfirburðum 748 stig og Sundfélagið Ægir er öruggt í öðru sæti með 422 stig. Í samkeppninni um þriðja sætið var SH yfir í nánast allan dag og endaði daginn með 281 stig en Sundfélagið Óðinn er skammt undan í fjórða sæti.
Veðrið hefur leikið við okkur í lauginni í dag, sólin vermdi okkur megnið af deginum og hvergi er betra að vera en á Akureyri í sól og sumaryl.Nú er þriðja mótshluta lokið á AMÍ og staða efstu liða nokkuð óbreytt. Í upphafi fjórða mótshluta verður öllum þátttakendum á mótinu 12 ára og yngri veitt sérstök þátttöku verðlaun.
Stigastaða félaga eftir 30 greinar var eftirfarandi:
1. sæti ÍRB 552 stig
2. sæti Sf Ægir 316 stig
3. sæti SH 207 stig
4. sæti Sf Óðinn 200 stig
5. sæti Sd Breiðabliks 144 stig
6. sæti Sd Fjölnis 110 stig
7. sæti Sd KR 107 stig
8. sæti Sf Akraness 81 stig
9. sæti Afturelding 57 stig
10 sæti Sd Ármanns 17 stig
11. sæti ÍBV 16 stig
12. sæti Sd Stjörnunnar 14 stig
13. sæti Sf Rán 5 stig
14. sæti Sd UMFB 2 stig
15 sæti Sd Hamars 1 stig
Önnur félög hafa ekki hlotið stig.
Þá er fyrsta degi á AMÍ á Akureyri lokið. 20 greinar hafa verið syntar í aldursflokkunum stúlkur og piltar 15 ára, telpur og drengir 13-14 ára, meyjar og sveinar 11-12 ára og hnátur og hnokkar 10 ára og yngri.
Því verður ekki á móti mælt að Íþróttabandalag Reykjanesbæjar leiði stigakeppni félaga á afgerandi hátt. Liðið hefur áunnið sér 380 stig eftir 20 greinar, 189 stigum fleiri en Sundfélagið Ægir sem er í öðru sæti með 191 stig. Það má segja að mesta spennan sé um þriðja sætið en þar berjast Sundfélag Hafnarfjarðar og Sundfélagið Óðinn um sætið. Í lok dagsins var SH með 158 stig í þriðja sæti en Óðinn með 156 stig í fjórða. Liðin höfðu skipst á sætum nokkrum sinnum yfir daginn.
Veðrið á Akureyri var ágætt í síðari keppnishlutanum en það rigndi töluvert á okkur í morgun. Aldursflokkameistaramót Íslands, AMÍ, var sett á Akureyri í kvöld af formanni SSÍ Herði J. Oddfríðarsyni. Setningin fór fram í Sundlaug Akureyrar eftir að liðin höfðu gengið fylktu liði frá Brekkuskóla yfir í laug. Hörður bað þátttakendur að minnast með sér Ólafs Rafnssonar forseta ÍSÍ sem lést 19. júní sl., með einnar mínútu þögn. Eftir það upphófust venjubundin köll keppenda í upphafi AMÍ, hvar sólin er ákölluð en ský rekin á brott. Keppni hefst svo í fyrramálið, en mótið er í sex hlutum, tveir á dag fram á sunnudagskvöld. Við munum reyna að setja hér inn fréttir af mótinu jafnóðum.Hér fyrir innan er hægt að komast að dagskrá AMÍ 2013
Sækýrnar náðu yfir til Frakklands í gærkvöldi. Gott hjá þessum dugmiklu konum sem eru:
Kristbjörg Rán Valgarðsdóttir,Kristín Helgadóttir Komplett, Anna Guðrún Jónsdóttir,Birna Hrönn, Ragnheiður Valgarðsdóttir og Sigrún Þ Geirsdóttir.
Sækýrnar lögðu af stað yfir Ermarsund fyrir um það bil klukkustund í blíðskaparveðri og lygnum sjó. Með því að fara hér innfyrir er hægt að finna tengil á Facebooksíðu þeirra sjá fleiri myndir og fylgjast með hvernig þeim gengur sundið
Forseti Íþrótta- og Ólympíusambands Íslands og forseti FIBA Europe, Ólafur Eðvarð Rafnsson, er látinn, fimmtugur að aldri. Ólafur varð bráðkvaddur í Sviss nú fyrr í dag þar sem hann sótti fund í miðstjórn FIBA World , Alþjóða Körfuknattleikssambandsins. Hann lætur eftir sig eiginkonu og þrjú börn. Ólafur starfaði sem lögmaður og rak eigin lögmannsstofu í Hafnarfirði.
Ólafur Eðvarð Rafnsson var formaður Körfuknattleikssambands Íslands frá árinu 1996 til 2006 en það ár var hann kosinn forseti ÍSÍ. Ólafur var kjörinn forseti FIBA Europe árið 2010. Hann tók í lok síðasta mánaðar við stöðu forseta framkvæmdastjórnar Smáþjóðaleikanna. Ólafur stundaði sjálfur körfuknattleik um árabil með Haukum og lék m.a. með landsliði Íslands.
Íþróttahreyfingin harmar fráfall góðs félaga og öflugs foringja og vottar fjölskyldu Ólafs sína dýpstu samúð.
Unglingameistaramóti Íslands er lokið. Úrslit er að finna undir UMÍ hér til hliðar á síðunni. Í lok mótsins voru krýndir Unglingameistarar í hvorum aldursflokki fyrir sig.
