Skráning starfsfólks

XII. KAFLI – Reglugerðir um Bikarkeppni

a) Bikarkeppni SSÍ í sundi

1. grein – Almennt

Bikarkeppni Sundsambands Íslands (SSÍ) í 1. og 2. deild skal haldin árlega. Keppnin fer fram í 25m laug.

2. grein – Röðun liða í deildir

Fyrir keppnisárið 2025 verður liðum raðað í 1. og 2. deild út frá samanlögðum stigum í bikarkeppninni 2024.

Greinin er í vinnslu, en stefnt er að því að notast við sambærilega aðferð og danska sundsambandið notar. Röðun byggist á:

Samanlögðum stigafjölda úr 25 m afrekaskrá yfir sundárið (frá 15. ágúst til AMÍ).

Ákveðnum fjölda sundmanna frá hverju félagi.

Ákveðnum fjölda sunda hjá hverjum einstaklingi.

Starfsfólk SSÍ mun útfæra nákvæma aðferð út frá hvað tölvukerfið leyfir og kynna fyrir félögum.

3. grein – Þátttökutilkynning og skráningar

Lið skulu tilkynna þátttöku í bikarkeppninni að minnsta kosti 15 dögum fyrir mót.

Skráningum í einstakar greinar skal skila tveimur sólarhringum fyrir upphaf móts.

Skráningar eru trúnaðarmál þar til þær verða birtar 30 mínútum fyrir hvern mótshluta.

4. grein – Keppnisfyrirkomulag

1. deild: 4 lið.

• Hvert lið má skrá 2 keppendur í hverja einstaklingsgrein.
• 2 boðsundssveitir í hverja boðsundsgrein.

2. deild: Að hámarki 8 lið.

• Hvert lið má skrá 1 keppanda í hverja einstaklingsgrein.
• 1 boðsundssveit í hverja boðsundsgrein.

Takmörk:

• Hver keppandi má taka þátt í að hámarki 4 einstaklingsgreinum og 3 boðsundum.
• Allir keppendur skulu vera 12 ára eða eldri á árinu.

5. grein – Fjöldi keppenda

1. deild: Hámark 24 keppendur.

• Fjöldi karla og kvenna á að vera á bilinu 8–12 af hvoru kyni.

2. deild: Hámark 16 keppendur.

• Fjöldi karla og kvenna á að vera á bilinu 5–8 af hvoru kyni.

Nafnalisti keppenda skal fylgja með skráningu.

6. grein – Dagsetning og aðrir viðburðir

SSÍ tilkynnir mótsdagsetningu og staðsetningu með minnst tveggja mánaða fyrirvara.

Þegar bikarkeppnin fer fram er óheimilt að halda aðra sundkeppni á vegum aðildarfélaga SSÍ.

7. grein – Dagskrá mótsins

Keppnin fer fram á einum degi með tveimur keppnishlutum (fyrir hádegi og eftir hádegi).

8. grein – Stigakeppni og verðlaun

Keppnin er stigakeppni milli félaga. Stig eru veitt út frá sæti í hverri grein, byggt á tíma.

Stigagjöf:

Verðlaun:

1. deild:

• 1. sæti: BIKARMEISTARI ÍSLANDS Í SUNDI og gullverðlaun
• 2. sæti: Silfurverðlaun.

2. deild:

• 1. sæti: Gullverðlaun
• 2. sæti: Silfurverðlaun

Ef lið eru jöfn að stigum ákvarðast röðun út frá úrslitum í boðsundum. Ef enn jafnt þá út frá hlutkesti.

9. grein – Tæknifundur

Tæknifundur skal haldinn í samræmi við gildandi reglur SSÍ fyrir upphaf keppni.