Denas Kazulis úr Íþróttabandalagi Reykjanesbæjar (ÍRB) hélt metaregninu áfram í Ásvallalaug í morgun. Hann setti nýtt Íslandsmet unglinga í 100 metra skriðsundi, 49,26, og bætti eigið met um sex hundraðshluta úr sekúndu. Það met hafði aðeins staðið í þrjár vikur. Denas varð um leið Íslandsmeistari unglinga í greininni og synti undir NM-lágmarki.

Karl Björnsson úr Sundfélagi Hafnarfjarðar (SH) náði einnig NM-lágmarki í morgun. Hann bætti sig í 50 metra bringusundi, synti á 27,85 og varð Íslandsmeistari unglinga.

Nokkrir halda áfram að safna titlum. Sólveig Freyja Hákonardóttir, Alicja Julia Kempisty og Hólmar Grétarsson úr SH, Ylfa Lind Kristmannsdóttir úr Reykjavík og Nikolai Leo Jónsson og Daði Rafn Falsson úr ÍRB unnu öll unglingameistaratitilinn aftur í morgun.

Blandaða sveit SH vann 4x50 metra fjórsund á 1:48,33 og urðu þar af leiðandi Íslandsmeistarar. Sveitina skipuðu þau Bergur Fáfnir Bjarnason, Birgitta Ingólfsdóttir, Birnir Freyr Hálfdánarson og Jóhanna Elín Guðmundsdóttir.

Íslandsmeistarar unglinga

• 400 m fjórsund kvenna: Sólveig Freyja Hákonardóttir (SH) 5:04,94
• 50 m baksund karla: Nikolai Leo Jónsson (ÍRB) 27,81 – bæting
• 200 m skriðsund kvenna: Alicja Julia Kempisty (SH) 2:08,94
• 200 m fjórsund karla: Daði Rafn Falsson (ÍRB) 2:06,68
• 100 m bringusund kvenna: Margrét Anna Lapas (ÍRB) 1:13,84
• 50 m bringusund karla: Karl Björnsson (SH) 27,85 – bæting, NM-lágmark
• 50 m flugsund kvenna: Bergey Huld Arnarsdóttir (Breiðablik) 29,78 – bæting
• 100 m skriðsund karla: Denas Kazulis (ÍRB) 49,26 – bæting, unglingamet, NM-lágmark
• 100 m baksund kvenna: Ylfa Lind Kristmannsdóttir (Reykjavík) 1:04,46
• 200 m flugsund karla: Hólmar Grétarsson (SH) 2:02,01

Íslandsmeistarar

• 4x50 m fjórsund, blandað: SH (Bergur Fáfnir Bjarnason, Birgitta Ingólfsdóttir, Birnir Freyr Hálfdánarson, Jóhanna Elín Guðmundsdóttir) 1:48,33

Íslandsmeistarar í flokki fatlaðra

• 200 m skriðsund kvenna: Sigrún Kjartansdóttir (Fjörður, S18) 3:09,58
• 100 m bringusund kvenna: Thelma Björg Björnsdóttir (Reykjavík, SB5) 2:03,17
• 50 m flugsund kvenna: Emelía Ýr Gunnarsdóttir (Fjörður, S14) 36,37
• 100 m baksund kvenna: Rósa Kristín Kristmannsdóttir (Fjörður, S14) 1:29,37
• 200 m flugsund karla: Snævar Örn Kristmannsson (Breiðablik, S19) 2:22,17

Úrslit byrja í kvöld kl 16:30.

Öll úrslit er að finna hér

Hægt að horfa á beint streymi hér