Sundhópurinn er nú kominn heim eftir vel heppnaða þátttöku á McCullagh International mótinu.

Heilt yfir var verkefnið mjög árangursríkt og umgjörðin öll til fyrirmyndar. Ferðalagið var þægilegt, hótelið gott og maturinn sömuleiðis frábær.

Frammistaða og lágmörk

Hópurinn var til fyrirmyndar á mótinu og var árangurinn í lauginni góður. Það getur reynst áskorun að synda hratt á miðju tímabili þegar æfingaálag er í hámarki. Sumir sundmenn eru fljótari að jafna sig eftir nokkra léttari daga á meðan aðrir eiga erfiðara með að finna hámarkshraðann við þessar aðstæður, sem er eðlilegt á þessum tímapunkti tímabilsins. Flest sund voru nálægt bestu tímum eða innan við 2% frá þeim, auk þess sem nokkrar stórar persónulegar bætingar litu dagsins ljós.

Nokkrir sundmenn tryggðu sér lágmörk fyrir alþjóðleg meistaramót sumarsins:

Norðurlandamót Æskunnar (NÆM):

Alicja Julia Kempisty: 200m skriðsund á tímanum 2:09,98.

Evrópumeistaramót Unglinga:

Hólmar Grétarsson: 400m fjórsund á tímanum 4:33,83.

Karl Björnsson: 50m bringusund á tímanum 0:29,25.

Vala Dís Cicero: 100m skriðsund (0:56,76), 200m skriðsund (2:02,65) og 400m skriðsund (4:23,31).

Evrópumeistaramót í 50m laug:

Birgitta Ingólfsdóttir: 50m bringusund á tímanum 31,41.

Snorri Dagur Einarsson: 50m bringusund á tímanum 28,19.

Vala Dís Cicero: 200m skriðsund á tímanum 2:02,65.

Verðlaunahafar á mótinul.

Gullverðlaun:

Katja Lilja Andriysdóttir í 800m skriðsundi á tímanum 9:14,91.

Silfurverðlaun:

Birgitta Ingólfsdóttir í 50m bringusundi (31,41).

Eva Margrét Falsdóttir í 200m fjórsundi (2:22,62).

Hólmar Grétarsson í 400m fjórsundi (4:33,83).

Jóhanna Elín Guðmundsdóttir í 50m flugsundi (27,67).

Bronsverðlaun:

Guðmundur Leo Rafnsson í 200m baksundi (2:05,74).

Hólmar Grétarsson í 200m fjórsundi á nýju persónulegu meti (2:09,37).

Snorri Dagur Einarsson í 50m bringusundi (28,28).

Vala Dís Cicero í 400m skriðsundi (4:23,31).

Við óskum sundfólkinu til hamingju með glæsilega frammistöðu, og hlökkum til að fylgjast með þeim á þeim mótum  sem eru framundan.