RIG - Mótsmet hjá Guðmundi Leo
24.01.2026
Annar dagur á RIG byrjaði vel með undanrásum í morgun og þá stóð uppúr eitt mótsmet og eitt Íslandsmet í flokki S18.
Guðmundur Leo Rafnsson (ÍRB) gerði sér lítið fyrir og bætti eigið mótsmet frá árinu 2024 í 200m baksundi karla þegar hann synti á 2:04.17 í morgun. Gamla metið var 2:06.43, sem þýðir að hann bætti metið um rúmar tvær sekúndur.
Enn og aftur sýndi Denas Kazulis (ÍRB) að hann ætlar sér stóra hluti á þessu móti þegar hann synti 100m skriðsund karla í undanrásum í morgun á 52.14. Mótsmetið er 51.14, sett árið 2025, og verður því spennandi að sjá hvort að Denas nái að nappa því í úrslitum í kvöld.
Sigurvegarar dagsins frá Íslandi:
- Eydís Jóhannesdóttir (ÍRB) vann 200m fjórsund kvenna (15 ára og yngri)
- Jón Ingi Einarsson (Óðinn) vann 200m baksund karla og 100m skriðsund karla (15 ára og yngri)
- Emelía Ýr Gunnarsdóttir (S14, Fjörður) vann 100m baksund kvenna og 100m flugsund kvenna (flokki fatlaðra)
- Auguste Balciunaite (SH) vann 200m bringusund kvenna (15 ára og yngri)
- Snævar Örn Kristmannsson (S19, Breiðablik) vann 200m flugsund karla (flokki fatlaðra)
- Jóhannes Gabríel Friðjónsson (Reykjavík) vann 200m flugsund karla (15 ára og yngri)
- Sigrún Kjartansdóttir (S18, Fjörður) vann 200m skriðsund kvenna (flokki fatlaðra)
- Guðrún Ísold Harðardóttir (ÍRB) vann 200m skriðsund kvenna (15 ára og yngri)
Keppnin heldur áfram í kvöld þegar keppt verður í úrslitum í greinum gærdagsins og frá því í morgun.
