Ungversku bikarkeppninni í samhæfðri sundfimi (Artistic Swimming)  lauk um síðustu helgi, þar sem Andrea Elíasson, íslensk-japönsk keppandi, tók þátt fyrir hönd Íslands. Andrea átti afar glæsilega helgi og sýndi bæði öryggi, nákvæmni og sterka listræna tjáningu í öllum sínum atriðum.

Hún hafnaði í 4. sæti í Senior Solo Technical og 5. sæti í Junior Solo Free, sem er mjög góður árangur í harðri og fjölmennri keppni. Alls tóku þátt 15 þjóðir, þar á meðal margar af sterkustu sundíþróttaþjóðum Evrópu, sem gerir árangur hennar enn meira virði.

Andrea hefur lengi verið talin með efnilegri ungum keppendum Íslands í samhæfðri sundfimi. Hún hefur unnið sig jafnt og þétt upp í fremstu röð og tekið þátt í fjölmörgum alþjóðlegum mótum, þar sem hún hefur oft vakið athygli fyrir vandvirkni, kraft og fallega framsetningu. Keppnin í Búdapest sýndi enn á ný hversu vel hún hefur þroskast sem keppandi. Í tækniprógramminu skilaði hún nákvæmum hreyfingum og góðu jafnvægi milli erfiðra þátta, í frjálsa prógramminu kom fram sterk tilfinning, flæði og fagurlega unnið atriði. Frammistaða hennar vakti athygli bæði dómara og áhorfenda.

Andrea heldur nú áfram æfingum og undirbúningi fyrir næstu alþjóðlegu keppnir. Hún stefnir á að efla sig enn frekar og halda áfram að vera sterkur fulltrúi Íslands í þessari fallegu og krefjandi íþrótt.