Norðurlandameistaramót Æskunnar (NÆM) hófst af krafti eftir hádegi í dag, með glæsilegum gullverðlaunum hjá Sólveigu Freyju Hákonardóttur.

Sólveig sigraði í 400 metra fjórsundi á tímanum 5:08,78 og bætti sig um þrjár sekúndur. Virkilega flott sund hjá henni!

Ásdís Steindórsdóttir og Auguste Balcunite kepptu í 200 metra skriðsundi í dag. Ásdís synti á 2:13,69 og endaði í 11. sæti, en Augusta varð í 16. sæti með tímann 2:19,44.

Alexander Ari synti 100 metra flugsund og bætti sinn besta tíma þegar hann synti á 58,56 sekúndum – fyrri besti tími hans var 59,07, flott bæting.

Flottur dagur hjá okkar fólki á NÆM.

Síðasti hluti mótsins fer fram í fyrramálið, en þá keppa þau í eftirfarandi greinum:

Alexnader Ari 200m fjórsund

Auguste 100m bringusund

Ásdís 400m skriðsund

Sólveig Freyja 200m fjórsund.