Íslands- og unglingameistaramótinu í sundi í 25m laug lauk nú í kvöld.

Þrjú Íslandsmet voru sett á mótinu. Karlasveit SH setti met í 4x200m skriðsund en þeir bættu met ÍRB frá árinu 2014 um tæpar þrjár sekúndur.  Það voru þeir Veigar Hrafn Sigþórsson, Birnir Freyr Hálfdánarson, Bergur Fáfnir Bjarnason og Magnús Víðir Jónsson sem syntu í boðsundinu.

Kvennasveit SH setti Íslandsmet í 4x 100m skriðsundi og bætti met frá árinu 2019. Í boðsundssveitinni voru þær Jóhanna Elín Guðmundsdóttir, Birgitta Ingólfsdóttir, Vala Dís Cicero og Katja Lilja Andriysdóttir.

Nú í kvöld á lokadegi mótsins setti karla sveit SH sitt annað Íslandsmet, nú í 4x100m fjórsundi. Sveitina skipuðu þeir Bergur Fáfnir Bjarnason, Birnir Freyr Hálfdánarson, Snorri Dagur Einarsson og Símon Elías Statkevicius.

Þá voru fjögur unglingamet sett á mótinu. Birnir Freyr Hálfdánarson, SH sett met í 200m fjórsundi og tryggði sér um leið lágmark á EM25. Einar Margeir Ágústsson, ÍA setti þrjú unglingamet, í 100m fjórsundi, 100m bringusundi og 200m bringusundi.

10 ný aldursflokkamet litu líka dagsins ljós um helgina, Vala Dís Cicero úr SH setti fimm aldursflokkamet, tvö í 50m, eitt í 100m skriðsundi, eitt í 100m fjórsundi og eitt í 100m flugsundi.

Magnús Víðir Jónsson úr SH setti met í 100m og 200m skriðsundi og karlasveit ÍRB sem var skipuð þeim Denas Kazulis, Daði Rafn Falsson, Árni Þór Pálmason, Nikolai Leo Jónsson settu tvö met í boðsundi, í 4x200m og 4x100m skriðsundi.  Þá setti Margrét Anna Lapas aldursflokkamet í 50m bringusundi þegar hún synti á 33,46.

Jóhanna Elín átti gott mót um helgina  en hún tryggði sér 4 Íslandsmeistaratitla, í 50 og 100m skriðsundi, 50m flugsundi og 100m flugsundi og tryggði sér EM25 lágmörk i 50m og 100m skriðsundi.

Eva Margrét Falsdóttir varð einnig fjórfaldur Íslandsmeistari en hún sigraði í 100m, 200m og 400m fjórsundi og 200m bringusundi

Katja Lilja Andriysdóttir varð þrefaldur Íslandsmeistari en hún sigraði í 400, 800m og 1500m skriðsundi á mótinu.

Anton Sveinn sigraði í öllum bringusundsgreinum karla á mótinu, í 50m, 100 og 200m bringusundi.

Símon Elías Statkevicius varð einnig þrefaldur Íslandsmeistari þegar hann sigraði í 50m,100m  skriðsundi og 50m flugsundi.

Bestu afrek Karla á mótinu fékk Anton Sveinn McKee fyrir 200m bringusund og Jóhanna Elín Guðmundsdóttir vann besta afrek í kvennflokki fyrir 100m skriðsund.

Sex sundmenn hafa nú náð lágmörkum á Evrópumeistaramótið í 25m laug sem fram fer í Búkarest  5. – 10. desember n.k., en þeir eru:

Anton Sveinn McKee                                       SH

Birnir Freyr Hálfdánarson                              SH

Einar Margeir Ágústsson                               ÍA

Jóhanna Elín Guðmundsdóttir                     SH

Snorri Dagur Einarsson                                   SH

Snæfríður Sól Jórunnardóttir                       Álaborg

Þá hafa tuttugu sundmenn náð A- lágmörkum á Norðurlandameistaramótið sem fram fer í Taartu í Eistlandi 1. – 3. desember n.k., en þeir eru:

Aron Bjarki Pétursson                                     SH

Ásdís Steindórsdóttir                                      Breiðablik

Bergur Fáfnir Bjarnason                                 SH

Birgitta Ingólfsdóttir                                        SH

Eva Margrét Falsdóttir                                    ÍRB

Fannar Snævar Hauksson                              ÍRB

Freyja Birkisdóttir                                             Breiðablik

Guðbjörg Bjartey Guðmundsdóttir           ÍA

Guðmundur Leó Rafnsson                            ÍRB

Hólmar Grétarsson                                          SH

Katja Lilja Andriysdóttir                                 SH

Magnús Víðir Jónsson                                    SH

Nadja Djurovic                                                   Breiðablik

Símon Elías Statkevicius                                 SH

Sólveig Freyja Hákonardóttir                        Breiðablik

Sunna Arnfinnsdóttir                                      ÍA

Sunneva Bergmann Ásbjörnsdóttir           ÍRB

Vala Dís Cicero                                                   SH

Veigar Hrafn Sigþórsson                                SH

Ýmir Chatenay Sölvason                                Breiðablik