Heimsmeistaramótið í 50m laug hefst sunnudaginn 23. júlí
Heimsmeistaramótið í 50m laug hefst í Fukuoka í Japan sunnudaginn, 23. júlí næstkomandi. Sundsambandið er með tvo keppendur á HM50 í ár, en það eru þau Anton Sveinn McKee og Snæfríður Sól Jórunnardóttir.
Íslensku keppendurnir héldu utan til Japans þann 12 júlí í æfingabúðir í Kitakyusku en eru nú komin til Fukuoka. Yfirmaður landsliðsmála Eyleifur Jóhannesson, Hlynur Sigurðsson sjúkraþjálfari og Hörður Oddfríðarson nefndarmaður í garpanefnd World Aquatics eru með í för en hann mun sjá um fjölmiðlun meðan á mótinu stendur.
Japan er níu tímum á undan Íslandi þannig að tímasetningar fyrir okkur hér heima eru óvenjulegar.
Undanrásir hefjast kl 10:30 í Japan eða kl 1:30 eftir miðnætti á íslenskum tíma og eru úrslitin á morgnana á íslenskum tíma hér heima eða kl 11:00.
Anton Sveinn syndir strax aðfarnótt sunnudagsins 100m bringusund. Það verður virkilega gaman að fylgjast með þeim Antoni og Snæfríði næstu daga, en Snæfríður stingur sér til sunds á þriðjudaginn.
Hér er dagskráin:
Dagsetning |
Fyrir hádegi |
Eftir hádegi |
23. júlí – sunnudagur Heats 10:30 / Finals 20:00 (Japan) |
100 bringa – Anton |
100 bringa – semi |
24. júlí – mánudagur Heats 10:30 / Finals 20:00 (Japan) |
|
100 bringa – finals |
25. júlí – þriðjudagur Heats 10:30 / Finals 20:00 (Japan) |
200 skrið – Snæfríður |
200 skrið – semi |
26. júlí – miðvikudagur Heats 10:30 / Finals 20:00 (Japan) |
|
200 skrið - finals |
27. júlí – fimmtudagur Heats 10:30 / Finals 20:00 (Japan) |
100 skrið – Snæfríður 200 bringa – Anton |
100 skrið – semi 200 bringa – semi |
28. júlí – föstudagur Heats 10:30 / Finals 20:00 (Japan) |
|
100 skrið – finals 200 bringa - finals |
Hér er hægt að fylgjast með lifandi streymi : https://aquatics.eurovisionsports.tv/main
Hér er hægt að sjá sjónvarpstöðvar sem sýna frá mótinu: https://www.worldaquatics.com/where-to-watch/europe
Hér eru úrslit mótsins : https://www.worldaquatics.com/competitions/1/world-aquatics-championships-fukuoka-2023/results?discipline=SW&disciplines=SW