Íslands- og Unglingameistaramóti í 25m laug, sem fram fór í Ásvallalaug í Hafnarfirði um helgina, lauk nú í kvöld.

Í síðustu grein dagsins setti sveit SH nýtt Íslandsmet í 4x100m fjórsundi karla. Þeir syntu á tímanum 3:42,37, gamla metið var 3.43,22 og átti sveit ÍRB það.

Sveitina skipuði þeir : Kolbeinn Hrafnkelsson, Birnir Freyr Hálfdánarsson, Snorri Dagur Einarsson og Símon Elías Statkevicius.

Í sama sundi setti sveit SH 2 unglingamet á tímanum 3:45,48  og sveit SH 3 setti nýtt aldursflokkamet á tímanum 4:05.48 

Sveit SH 2 skipuðu þeir : Bergur Fáfnir Bjarnason Daníel Lúkas Tómasson,Daði Björnsson og Veigar Hrafn Sigþórsson.

Sveit SH 3 skipuðu þeir : Magnús Víðir Jónsson, Hólmar Grétarsson ,Arnar Logi Ægisson og Björn Yngvi Guðmundsson.

Ylfa Lind Kristmansdóttir setti nýtt aldursflokkamet í 100m flugsundi, en hún synti á tímanum 1:04,52. Gamla metið átti hún sjálf 1:04,68 sett í sumar.

Það var virkilega góð stemmning í Ásvallalaug um helgina og árangur heilt yfir mjög góður.

Sett voru 2 Íslandsmet, 5 unglingamet og 4 aldursflokkamet og mikið var um góðar bætingar.

Það er sannarlega hægt að gleðjast yfir þessum góða árangri um helgina og allri umgjörð mótsins.

Besta afrek í kvennaflokki á mótinu samkvæmt FINA stigtöflu vann Freyja Birkisdótti fyrir 400m skriðsund en hún fékk 738 stig.

Besta afrek í karlaflokki samkvæmt stigatöflunni vann Snorri Dagur Einarsson fyrir 100m bringusund, en hann fékk 770 stig.

Að lokum var valið landslið Íslands í sundi sem mun taka þátt í Norðurlandameistaramótínu sem fram fer í Bergen 8. – 13 .desember.

Landsliðið fyrir NM skipa þau :

Bergur Fáfnir Bjarnason         SH

Birnir Freyr Hálfdánarsson     SH

Björn Ingvi Guðmundsson     SH

Daði Björnsson           SH

Einar Margeir Ágústsson        ÍA

Eva Margrét Falsdóttir           ÍRB

Fannar Snævar Hauksson       ÍRB

Freyja Birkisdóttir      Breiðablik

Guðmundur Karl Karlsson      Breiðablik

Guðmundur Leó Rafnsson      ÍRB

Katja Lilja Andriysdóttir        SH

Kristín Helga Hákonardóttir   SH

Nadja Djurovic            Breiðablik

Patrik Viggó Vilbergsson        SH

Símon Elías Statkevicius        SH

Snorri Dagur Einarsson           SH

Steingerður Hauksdóttir         SH

Sunna Arnfinnsdóttir  Ægir

Sunneva Bergmann Ásbjörnsdóttir    ÍRB

Vala Dís Cicero           SH

Veigar Hrafn Sigþórsson        SH

Ylfa Lind Kristmannsdóttir    Ármann