.JPG?proc=100x100){kind=logo}
Dómaranámskeið verður haldið í tengslum við Vormót Ármanns. Bókleg kennsla fer fram þann 27. mars og verklega kennsla fer fram helgina 28. – 30. mars.
Björn Valdimarsson og Jón Hjaltason sjá um námskeiðið.
Nánari upplýsingar veitir : jon.hjaltason@vegagerdin.is eða dmt : dmtnefnd@gmail.com
Þeir sem hafa áhuga á að skrá sig á námskeiðið sendið skráningar á : dmtnefnd@gmail.com
LEN Evrópska sundsambandið hefur sent frá sér tilkynningu um að næsta Evrópumeistaramót í 25 metra laug verður haldið 15. til 18. janúar 2015 í borginni Netanya í Ísrael. Fréttatilkynning frá LEN er birt hér að neðan í heild.
Stórkoslegur árangur hjá Antoni Sveini McKee á Suðaustur Háskóladeildinni sem talin er jafnsterkasta deildin í USA.
Anton Sveinn McKee hóf nám hjá University of Alabama, Tuscaloosa, Alabama síðastliðið haust ásamt að synda fyrir skólaliðið. Hann er hvað þekktastur fyrir langsund, fimmtánhundruð metra, tvö og fjögur fjór. Í samráði við þjálfara hans færði hann sig yfir í bringusund, styttir greinar ásamt fjórsundum í byrjun október. 
- Gögn frá hópavinnu má finna í fréttinni - Fólk úr flestum virkum sundfélögum og deildum mætti til stefnumörkunarráðstefnu SSÍ, sem haldin var í dag. Á formannafundi síðast liðið haust var sátt um að í stað venjulegs formannafundar á árinu milli sundþinga, væri rétt að blása til stefnumótunarráðstefnu til að marka stefnu og markmið næstu 10 ára. Ekki er hægt að segja annað en að þetta hafi tekist vel, 25 manns mættu, skiptu sér í hópa og ræddu starfssemi SSÍ, hvað mætti betur fara og hvað væri vel gert, hvert ætti að halda í einstökum málum og hvaða leið ætti að fara og svo framvegis. Hópurinn skipti sér í þrjá hópa
Stjórn Sundsambands Ísland boðar til stefnumótunarfundar sambandsins og aðildarfélaga þess laugardaginn 22. febrúar nk. frá kl. 9-14 í sal SÁÁ Efstaleiti 7 RVK
Afrekssjóður ÍSÍ úthlutaði í morgun styrkjum til sérsambanda. Fram kom í máli Lárusar Blöndal forseta ÍSÍ og Andra Stefánssonar sviðsstjóra afrekssviðs ÍSÍ að styrkir Afrekssjósð væru til sérsambanda eingöngu. Styrkjunum væri skipt upp sem styrki fyrir heildarverkefni annars vegar og sem styrki fyrir áætluð verkefni einstaklinga hins vegar. Umsýsla styrkjanna er á höndum sérsambandanna.Stjórn SSÍ hélt í gærkvöldi reglubundinn fund. Á fundinum var farið yfir starfið undanfarinn mánuð, fjármál og fjáröflun rædd og staðfestar þrjár reglugerðir; Reglugerð um Grunnskólamót SSÍ, Almennar sundreglur SSÍ um skólakeppni og Reglugerð um Íslandsmót félagsliða. Það var farið yfir uppgjör á styrkjum Afrekssjóðs, nýjar umsóknir í sjóðinn og möguleika okkar að auka fræðslu og þjónustu við sundfólk. Landsliðsþjálfari var á fundinum og ræddi framhald á atburðadagatali SSÍ fram yfir næstu áramót og einnig hugmyndafræði í uppbyggingu landsliða á Íslandi. Við áætlum að starfandi þjálfarar muni hittast í tengslum við stefnumörkun SSÍ í febrúar og ræða þessar hugmyndir á breiðum grunni.
Á fundinum var farið yfir erindisbréf allra nefnda SSÍ og þau endurstaðfest. Þá var staðfestur listi þeirra sem starfa í nefndum - bæði þeir sem hafa verið og nýjir sem bætast inn. Í tengslum við það staðfestum við þýðingu á sundreglum FINA sem hægt er að finna hér.
Smáþjóðaleikar voru ræddir og útnefning lykilfólks staðfest.Framkvæmdastjóri SSÍ, Ingibjörg Helga Arnardóttir er í leyfi í janúar og fram í febrúar. Á meðan gengur Emil Örn Harðarson mótastjóri SSÍ í hennar störf. Símar og rafpóstföng SSÍ eru þeir sömu og áður, aðalnúmer SSÍ er 5144070, farsími 7706066, rafpóstföngin eru sundsamband@sundsamband.is og motamal@sundsamband.is.
Fræðsludagur SSÍ var haldinn í dag í Íþróttamiðstöðinni í Laugardal. Yfir 100 manns tóku þátt í deginum sem stóð frá kl. 12:00 til 16:00.
Fyrirlesarar voru þrír, þær Helga Sigurðardóttir næringarfræðingur og sundkona, Erla Dögg Haraldsdóttir afrekskona í sundi og Hafrún Kristjánsdóttir sálfræðingur og sundkona. Góður rómur var gerður að máli þeirra.
Sundsamband Íslands hefur uppi áætlanir að gera fræðsludaga að reglulegum viðburðum á Atburðadagatali sambandsins og einnig er verið að kanna með að útbúa efnið í gagnvirkt margmiðlunarform.Næstkomandi laugardag þann 4. janúar býður SSÍ upp á fræðslu fyrir sundmenn sem náð hafa 13 ára aldri og foreldrum þeirra.
Við höfum fengið í lið með okkur þrjár frábærar konur sem ætla að halda erindi þennan dag.
Þær eru 
Stjórn og starfsfólk Sundsambands Íslands senda öllum velunnurum sundíþrótta á Íslandi góðar kveðjur og óskir um gleðilegt og gifturíkt ár 2014 um leið og við þökkum stuðninginn á liðnum árum.
Við minnum á nýárssund SJÓR í Nauthólsvík á Nýársdag, alveg ótrúlega góð byrjun á góðu ári.
