Metaregn á Norðurlandamóti garpa í Bellahøj í Kaupmannahöfn

04.10.2023

Það var rafmögnuð stemning í Bellahøj sundmiðstöðinni í Kaupmannahöfn um síðustu helgi, 30. september til 1. október þegar fram fór Norðurlandameistaramót garpa í sundi. Heimsmet, Evrópumet, Íslandsmet og önnur landsmet féllu á stærsta garpamóti sem haldið hefur verið á norðurlöndunum.

Fjögur heimsmet féllu

Hinn óstöðvandi Frans Johannesen frá Esbjerg Svømmeklub fór mikinn á mótinu og bætti heimsmet í bæði 400m og 800m skriðsundi í aldursflokki 30-34 ára. Allt ætlaði um koll að keyra í höllinni þegar Frans rúllaði upp heimsmetinu í 400m skriðsundi þegar hann kom í mark á 3:48,54 og bætti þar með fyrra met Rússans Yury Ufimtsev frá 2014, en gamla metið var 3:51,97. Hann lét það þó ekki nægja heldur synti hreint ótrúlega seinna um daginn í 800m skriðsundi á tímanum 8:06,56 og bætti þar með fyrra met Bandaríkjamannsins Drew Modrovs um rúmar 6 sekúndur, en fyrra metið var 8:12,74.

Frans var ekki sá eini sem bætti heimsmet um helgina, en hin 80 ára Elisabeth Ketelsen frá Swim Team Taastrup gerði sér lítið fyrir og bætti metið í 100m baksundi í aldursflokki 80-84 ára á tímanum 1:35,77. Gamla metið átti hin japanska Noriko Yoshida, 1:38,55 sett í maí á þessu ári. Hún stoppaði ekki þar, heldur bætti einnig metið í 50m baksundi á tímanum 43,72.

Auk heimsmetanna féllu fjöldi Evrópumeta og landsmeta hjá öllum þjóðum.

37 Íslandsmet, 19 norðurlandameistaratitlar og miklar bætingar

Íslenski hópurinn átti góðu gengi að fagna í lauginni og nældi sér í 19 norðurlandameistaratitla og samtals 65 verðlaun á mótinu, en hópurinn samanstóð af 31 einstaklingi frá 5 félagsliðum, á aldrinum 25-79 ára.

Samtals setti íslenska sundfólkið 37 Íslandsmet í garpaflokki, þar af 3 í boðsundum. Rémi Spilliaert úr Ægi gerði sér lítið fyrir og bætti Íslandsmet í hvert skipti sem hann stakk sér til sunds, en hann keppti í 6 greinum um helgina. 25 ára gamalt met Arnodds Erlendssonar frá 1998 í 50m bringusundi féll um helgina þegar Leifur Guðni Grétarsson úr Breiðabliki bætti metið um 0,3 sekúndur, en það var elsta standandi metið í karlaflokki. Hann bætti einnig þrjú önnur met um helgina og bætti því met í öllum sínum sundum. Liðsfélagi hans úr Breiðabliki, Przemyslaw Pulawski bætti sömuleiðis 4 met í sínum greinum. Þuríður Eiríksdóttir og Elín Viðarsdóttir, einnig úr Breiðabliki, og Sigurlín Garðarsdóttir úr UMF Selfossi, bættu hver um sig 3 Íslandsmet í sínum sundum.

Listi yfir alla verðlaunahafa og Íslandsmet sem féllu er að finna hér neðar í fréttinni.

Það voru þó ekki eingöngu sigrar í greinum sem voru fyrirferðarmiklir, heldur einnig persónulegir sigrar. Mikið var um bætingar hjá hópnum og því ljóst að mikil gróska er í garpastarfinu á Íslandi og sýnir það þann áhuga, staðfestu og uppskeru þessarar miklu vinnu sem garparnir hafa lagt á sig undanfarið.

Frábær andi í hópnum

Þrátt fyrir að keppt sé í nafni félagsliða á garpamótum, var mikil samheldni í íslenska hópnum sem kom saman sem ein stór fjölskylda á mótinu. „Stemningin og orkan í hópnum stóð svo sannarlega uppúr. Svo mátuleg blanda af metnaði og gleði.“ Segir Hákon Jónsson þjálfari Breiðabliks. Hann segir að heilt yfir hafi árangurinn verið góður og gaman væri að sjá að áhuginn fyrir að fara á mót erlendis væri að aukast. „Það gefur mikið að sjá og keppa við þau bestu í bransanum.“ segir Hákon.

Aðstaðan hjá mótshöldurum var til mikillar fyrirmyndar og umgjörðin öll mjög góð og fagmannleg.

Norðurlandameistarar

Einstaklingsgreinar

Nafn	Lið	Grein	Aldursflokkur	Tími
Einar Hauksson	Breiðablik	400m skriðsund	65-69	6:07,39
Sigurbjörn Einarsson	Ægir	50m flugsund	70-74	52,63
Hákon Jónsson	Breiðablik	200m flugsund	35-39	2:50,07
Ragna María Ragnarsdóttir	Ægir	100m skriðsund	75-79	2:25,04
Sigurbjörn Einarsson	Ægir	100m flugsund	70-74	2:07,56
Þórhallur Jóhannesson	SH	50m bringusund	70-74	48,59
Trausti Sveinbjörnsson	SH	50m bringusund	75-79	50,64
Ragna María Ragnarsdóttir	Ægir	50m bringusund	75-79	1:26,29
Sigurbjörn Einarsson	Ægir	100m fjórsund	70-74	1:51,82
Þuríður Eiríksdóttir	Breiðablik	100m fjórsund	35-39	1:14,41
Leifur Guðni Grétarsson	Breiðablik	200m bringusund	30-34	2:33,29
Einar Hauksson	Breiðablik	800m skriðsund	65-69	12:39,80
Steinn Jóhannsson	SH	400m fjórsund	55-59	5:44,93
Sigurbjörn Einarsson	Ægir	400m fjórsund	70-74	9:00,43
Trausti Sveinbjörnsson	SH	50m skriðsund	75-79	46,25
Ragna María Ragnarsdóttir	Ægir	50m skriðsund	75-79	1:03,25

Boðsundsgreinar

Sveit og nöfn keppenda	Lið	Grein	Aldursflokkur	Tími
Peter, Julio, Leifur, Przemyslaw	Breiðablik	4x 50m skriðsund	120-159	1:41,45
Fríða, Elín, María Fanndal, Ásta Þóra	Breiðablik	4x 50m skriðsund	240-279	2:46,55
Elín, Ásta Þóra, María Fanndal, Fríða	Breiðablik	4x 50m fjórsund	240-279	3:02,82

Ný Íslandsmet

Einstaklingsgreinar

Nafn	Lið	Grein	Aldursflokkur	Tími	Fyrra met	Tími	Sett
Przemyslaw Pulawski	Breiðablik	400m skriðsund	30-34	4:21,57	Ómar Friðriksson	4:23,04	3.5.2014
Steinn Jóhannsson	SH	400m skriðsund	55-59	5:15,09	Steinn Jóhannsson	5:19,58	6.5.2023
Einar Hauksson	Breiðablik	400m skriðsund	65-69	6:07,39	Kári Geirlaugsson	6:07,43	30.4.2016
Jóhann Björnsson	Breiðablik	50m flugsund	55-59	32,08	Guðni Guðnason	32,51	1.4.2017
Rémi Spilliaert	Ægir	50m flugsund	65-69	37,90	Guðjón Guðnason	38,09	3.5.2019
Sigurlín Garðarsdóttir	UMF Selfoss	50m flugsund	45-49	34,95	Sigurlín Garðarsdóttir	35,32	8.10.2021
Elín Viðarsdóttir	Breiðablik	50m flugsund	55-59	39,68	Elín Viðarsdóttir	40,01	8.10.2021
Leifur Guðni Grétarsson	Breiðablik	100m bringusund	30-34	1:10,17	Leifur Guðni Grétarsson	1:10,36	5.5.2023
Þuríður Eiríksdóttir	Breiðablik	100m bringusund	35-39	1:23,60	Hafdís Erla Hafsteinsdóttir	1:23,75	8.10.2021
Ásta Þóra Ólafsdóttir	Breiðablik	100m bringusund	60-64	1:38,68	Ásta Þóra Ólafsdóttir	1:38,90	5.5.2023
Przemyslaw Pulawski	Breiðablik	100m baksund	30-34	1:02,29	Ómar Friðriksson	1:04,02	3.5.2014
Heiðrún Ingólfsdóttir	Breiðablik	100m baksund	35-39	1:18,59	Elín Sigurðardóttir	1:19,57	5.5.2012
Elín Viðarsdóttir	Breiðablik	100m baksund	55-59	1:29,91	Elín Viðarsdóttir	1:31,80	8.10.2023
Hákon Jónsson	Breiðablik	200m flugsund	35-39	2:50,07	Hákon Jónsson	2:59,28	30.9.2022
Rémi Spilliaert	Ægir	200m flugsund	65-69	3:48,24	ekkert met skráð
María Fanndal Birkisdóttir	Breiðablik	200m flugsund	45-49	3:39,03	ekkert met skráð
Rémi Spilliaert	Ægir	100m skriðsund	65-69	1:13,91	Kári Geirlaugsson	1:15,45	30.4.2016
Przemyslaw Pulawski	Breiðablik	100m flugsund	30-34	1:02,31	Hákon Örn Birgisson	1:05,93	ekki vitað
Jóhann Björnsson	Breiðablik	100m flugsund	55-59	1:17,23	Guðni Guðnason	1:19,03	6.5.2017
Leifur Guðni Grétarsson	Breiðablik	50m bringusund	30-34	30,91	Arnoddur Erlendsson	31,22	3.5.1998
Þuríður Eiríksdóttir	Breiðablik	50m bringusund	35-39	37,76	Þuríður Eiríksdóttir	38,00	6.5.2023
Rémi Spilliaert	Ægir	100m fjórsund	65-69	1:30,36	Guðjón Guðnason	1:32,50	4.5.2019
Þuríður Eiríksdóttir	Breiðablik	100m fjórsund	35-39	1:14,41	Hafdís Erla Hafsteinsdóttir	1:15,24	9.10.2021
Sigurlín Garðarsdóttir	UMF Selfoss	100m fjórsund	45-49	1:18,53	Sigurlín Garðarsdóttir	1:20,26	7.5.2022
Leifur Guðni Grétarsson	Breiðablik	200m bringusund	30-34	2:33,29	Leifur Guðni Grétarsson	2:39,20	2.10.2022
Leifur Guðni Grétarsson	Breiðablik	400m fjórsund	30-34	5:16,78	Heimir Örn Sveinsson	5:24,14	4.10.2008
Steinn Jóhannsson	SH	400m fjórsund	55-59	5:44,93	Kári Kaaber	7:39,64	4.10.2008
Rémi Spilliaert	Ægir	400m fjórsund	65-69	7:24,71	ekkert met skráð
Sigurbjörn Einarsson	Ægir	400m fjórsund	70-74	9:00,43	ekkert met skráð
Przemyslaw Pulawski	Breiðablik	50m baksund	30-34	29,23	Przemyslaw Pulawski	29,50	6.5.2023
Sigurlín Garðarsdóttir	UMF Selfoss	50m baksund	45-49	37,37	Sigurlín Garðarsdóttir	37,90	6.5.2023
Elín Viðarsdóttir	Breiðablik	50m baksund	55-59	42,30	Elín Viðarsdóttir	42,83	9.10.2021
Rémi Spilliaert	Ægir	50m skriðsund	65-69	32,69	Kári Geirlaugsson	32,93	29.4.2016
Ásta Þóra Ólafsdóttir	Breiðablik	50m skriðsund	60-64	34,70	Ásta Þóra Ólafsdóttir	34,97	24.2.2023

Boðsund

Nafn	Lið	Grein	Aldursflokkur	Tími	Fyrra met	Tími	Sett
Peter, Julio, Leifur, Przemyslaw	Breiðablik	4x 50m skriðsund	120-159	1:41,45	Breiðablik	1:43,20	5.5.2023
Elín, Ásta Þóra, María Fanndal, Fríða	Breiðablik	4x 50m fjórsund	240-279	3:02,82	Breiðablik	3:32,33	4.5.2019
Elín, Einar, Ásta Þóra, Birgir	Breiðablik	4x 50m skriðsund	240-279	2:17,48	Breiðablik	2:43,64	6.5.2023