Tveir Íslendingar verða á meðal keppenda á Heimsmeistaramótinu í 25m laug, sem fram fer í Melbourne í Ástralíu dagana 13. – 18. desember nk.
Sundtímabilið í 25 metra laug nær hámarki á næstunni þegar heimsins besta sundfólk mætir til keppni í Ástralíu. Mótið fer fram í frábærri sundlaug í MELBOURNE SPORTS CENTRES – MSAC, en sú aðstaða var byggð fyrir Samveldisleikana ( Commonwealth Games) árið 2006. Sundlaugin var einnig notuð fyrir Heimsmeistaramótið í sundknattleik árið 2007.
Þar er allt til alls, 50 metra innilaug til æfinga og 25 metra keppnislaug utandyra með aðstöðu fyrir rúmlega 5000 áhorfendur.
Íslenska landsliðið í sundi á HM 25 2022
- Anton Sveinn Mckee sem mun keppa í 50m, 100m og 200m bringusundi.
- Snæfríður Sól Jórunnardóttir sem mun keppa í 100m og 200m skriðsundi.
- Eyleifur Jóhannesson er þjálfari og fararstjóri
- Hlynur Skagfjörð Sigurðsson er sjúkraþjálfari
Hópurinn kom til Melbourne þ. 3. desember sl. eftir langt ferðalag og eyddi fyrstu sjö dögunum í æfingabúðum í NOBLE PARK AQUATIC CENTER í úthverfi Melbourne ásamt sundfólki frá hinum Norðurlöndunum. Æfingabúðirnar gengu ljómandi vel og nú er allur hópurinn mættur í keppnislaugina vel stemmdur og tilbúinn í þau átök sem framundan eru.
Eyleifur Jóhannesson yfirmaður landsliðsmála hjá Sundsambandi Íslands sagði í morgun:
„Allur undirbúningur fyrir mótið hefur gengið eins og best verður á kosið og sundfólkið er á góðum stað bæði andlega og líkamlega. Bæði Anton Sveinn og Snæfríður Sól hafa verið að synda mjög vel á þessu ári. Anton Sveinn keppti til úrslita bæði á HM og EM í 50 metra laug. Snæfríður Sól synti í undanúrslitum á EM í sumar og setti þrjú Íslandsmet í síðasta mánuði, tvisvar í 100m skriðsundi og einu sinni í 200m skriðsundi, þegar hún varð danskur bikarmeistari með liði sínu Álaborg. Ég hlakka mikið til að sjá þau keppa hér í Melbourne og veit að þau eiga fullt erindi hingað enda á meðal þeirra bestu í heiminum.“
Dagsetning |
Nafn |
Grein |
Besti tími |
Skráning (sæti) |
Þriðjudagur 13. desember |
|
|
|
|
Miðvikudagur 14. desember |
Snæfríður Sól Jórunnadóttir Anton Sveinn Mckee |
100m skriðsund 100m bringusund |
0:53,75 0:56,30 |
0:54,99 (28) 0:57,53 (17) |
Fimmtudagur 15. desember |
|
|
|
|
Föstudagur 16. desember |
Anton Sveinn Mckee
|
200m bringusund |
2:01,65 |
2:03,54 (7) |
Laugardagur 17. desember |
Anton Sveinn Mckee
|
50m bringusund |
0:26,14 |
0:26,91 (27) |
Sunnudagur 18. desember |
Snæfríður Sól Jórunnardóttir |
200m skriðsund |
1:55,60 |
1:57,47 (18) |
Hagnýtar upplýsingar um mótið
° Meira en 700 sundmenn
° Frá um það bil 180 mismunandi löndum
° Haldið í Melbourne Sports and Aquatic Centre (MSAC).
° Hefst Þriðjudaginn 13.nk til sunnudagsins 18. desember.
° Undanrásir hefjast klukkan 00:00 að íslenskum tíma (11:00 í Ástralíu).
° Undanúrslit og úrslit hefjast klukkan 08:30 að íslenskum tíma (19:30 í Ástralíu).
• Fylgist með mótinu á heimasíðu, Facebook og Instagram.
• Dagskráin í heild sinni - smelltu hér
• Úrslit og ráslistar -smelltu hér
• Heimasíða mótsins - smelltu hér