Síðasti hluti Norðurlandameistaramótsins fer fram kl 16:00 í dag.

Sundsambandið er með 11 einstaklinga í úrslitum í dag og fyrstur til að synda verður Veigar Hrafn en hann er með fjórða besta tímann inn í úrslit í 400m fjórsundi í flokki unglinga.

Freyja Birkisdóttir mun synda 800m skriðsund en þar er hún með fimmta besta tímann.

Í 100m flugsundi kvenna munu þær Ylfa Lind og Vala Dís synda til úrslita en þær eru með sjöunda og áttunda besta tímann.

Sunna Arnfinnsdóttir er með sjötta besta tímann inn í úrslit í 200m baksundi.

Þeir Patrik Viggó og Bergur Fáfnir synda 100m baksund en Patrik er með fjórða besta tímann inn í úrslit og Bergur áttunda besta tímann.

Þær Kristín Helga og Vala Dís eru í úrslitum í 100m skriðsundi, Kristín með fimmta besta tímann og Vala áttunda besta tímann.

Í 200m fjórsundi synda þær Eva Margrét sem er með sjötta besta tímann og Sunneva sem er með áttunda besta tímann.

Hægt er að fylgjast með streymi hér