Þá er komið í ljós hverjir hafa verið valdir til að taka þátt í æfingahelgi Framtíðarhóps í september. Framtíðarhópur er valinn þrisvar sinnum á hverju sundári, upplýsingar um hvernig valið fer fram verður að finna á heimasíðu SSÍ undir lágmörk í lok vikunnar.

Þrjú lágmarkatímabil

September – Desember (Æfingahelgi í janúar)
Þeir sem synda undir lágmörkum í 25m braut
Tveir bestu í öllum 200-400m greinum í hverjum árang í 25m braut.

Janúar – Apríl (Æfingahelgi í maí)
Þeir sem synda undir lágmörkum í 50m braut.
Tveir bestu í öllum 200-400m greinum í hverjum árang í 50m braut.

Maí – Júní (Æfingahelgi í september)
Eingöngu þeir sem hafa synt undir lágmörkum í 25m eða 50m braut.


Þar sem COVID-19 hefur gert okkur erfitt fyrir og fyrirkomulagið nýtt af nálinni, hefur SSÍ tekið þá ákvörðun að velja á stærri hóp fyrir æfingahelgina í september og unnið þetta svona.

Janúar – Júní (Æfingahelgi í september)

a. Þeir sem hafa synt undir lágmörkum á árinu 2021 í 25 metra eða 50 metra braut.

b. Allir sem eru með besta tímann á árinu 2021 í öllum 200 og 400m greinum í hverjum árgang í 25m og 50m braut.

Æfingahelgin verður haldin í Reykjavik. Dagskráin hefst laugardaginn 4. september klukkan 11.00 og líkur sunnudaginn 5. September klukkan 12.00. Gist verður á Farfuglaheimilinu í Laugardal, æfingar fara fram í Laugardalslaug, matur og fyrirlestrar í íþróttamiðstöðinni Laugardal.


Nánari dagskrá verður send út um miðjan ágúst og skráningarfresturinn verður settur nokkrum dögum síðar.