Átta íslenskir keppendur og fjögurra manna föruneyti ferðaðist til Glasgow í Skotlandi í gærmorgun en dagana 4-8. desember fer Evrópumeistaramótið í 25m laug fram í Tollcross sundhöllinni þar úti.

Íslenska sundfólkið syndir samtals 21 einstaklingsgrein og 5 boðsund á mótinu en undanrásir eru alla morgna og undanúrslit og úrslit í seinni hlutum dags.

Undanrásir hefjast alla morgna kl. 9:30 og úrslitahlutar hefjast 17:00.

Landsliðið er svona byggt upp að þessu sinni:

• Anton Sveinn McKee
• Dadó Fenrir Jasminuson
• Eygló Ósk Gústafsdóttir
• Ingibjörg Kristín Jónsdóttir
• Jóhanna Elín Guðmundsdóttir
• Kolbeinn Hrafnkelsson
• Kristinn Þórarinsson
• Snæfríður Sól Jórunnardóttir

Fylgdarlið:

• Mladen Tepavcevic, þjálfari
• Bjarney Guðbjörnsdóttir, þjálfari
• Hlynur Skagfjörð Sigurðsson, sjúkraþjálfari
• Hilmar Örn Jónasson, fararstjóri

Hörður J. Oddfríðarson, ritari stjórnar SSÍ og Emil Örn Harðarson, móta- og miðlunarstjóri SSÍ með hópnum og sinna fjölmiðlun. Þá verða tveir íslenskir dómarar við störf á mótinu en það eru þeir Björn Valdimarsson og Sigurður Óli Guðmundsson.

Sýnt verður beint frá öllum mótshlutum á RÚV 2.

Dagskrá, ráslistar og úrslit

EM25 síðan - nánar um sundfólkið okkar