Sunddeild Fjölnis leitar að metnaðarfullum þjálfara. Mikið uppbyggingarstarf er hjá deildinni þar sem megin markmið eru að fjölga iðkendum og bjóða upp á fyrsta flokks æfingaumhverfi fyrir það unga og efnilega sundfólk sem æfir hjá sunddeild Fjölnis.

Um er að ræða 30-50% starf, með  möguleika á hærra starfshlutfalli.

Starfslýsing þjálfara

Helstu verkefni þjálfara eru að:

• þjálfa hópa á aldursbilinu 7-13 ára

• aðstoða yfirþjálfara í þeim verkefnum sem hann setur fyrir, leysa af í sundskóla og vera á  sundmótum sé þess óskað

• taka virkan þátt í uppbyggingu deildarinnar, afla sér faglegrar þekkingar og styðja sundfólkið í að ná framförum í sinni íþrótt

Hæfniskröfur:

• góður íþróttabakgrunnur

• góðir samskipta- og skipulagshæfileikar

• metnaður og frumkvæði

• góð íslenskukunnátta

• hreint sakavottorð

• lágmarksaldur 20 ára

Sunddeild Fjölnis leggur mikinn metnað í endurmenntun þjálfara. Því er í boði að sækja

þjálfaranámskeið hjá Sundsambandi Íslands. Öll reynsla eða menntun í sundþjálfun er mikill  kostur en ekki krafa.

Nánari upplýsingar veitir stjórn deildarinnar á sund@fjolnir.is og formaður deildarinnar Aníka Lind Björnsdóttir s. 867-4371.