Íslandsmótið í víðavatnssundi verður haldið í Nauthólsvík miðvikudaginn 26. júlí. Mótið er haldið af Coldwater á Íslandi í samstarfi við Sundsamband Íslands og Securitas.

Fyrirkomulag keppni er óbreytt frá því í fyrra. Keppt er í 1 km, 3 km og 5 km sundum. Lengdarflokkar skiptast svo niður í karla og kvennaflokka. Sérflokkar eru fyrir keppendur í sérstökum búningum. Hröðustu einstaklingarnir án galla í 3 km sundinu hljóta sérstök verðlaun og titilinn Sjósundskóngur og Sjósundsdrotting Íslands 2017.

Verð í netskráningu:

1 km 2000 kr
3 km 3000 kr
5 km 3500 kr

Skráning á staðnum, til kl 17:30:

1 km 2500 kr
3 km 3500 kr
5 km 4000 kr


Dagskrá:

kl 17:50: Start í 5 km
kl 18:40: Start í 3 km
kl 19:10: Start í 1 km

Þátttaka í keppninni er á ábyrgð keppanda og meðan á keppni stendur eða meðan keppandi er á keppnissvæðinu skulu þeir ávallt að hlýða ábendingum og fyrirmælum starfsmanna Hins Íslenska Kaldavatnsfélags eða dómara sem eru á vegum SSÍ,. Starfsmenn mótsins verða ávallt merktir. Á staðnum verða öryggisbátar, kajakar, brautargæsla og læknir.

Skráningarsíða Íslandsmótsins í víðavatnssundi