Beint á efnisyfirlit síðunnar

Heilsuefling eldri aldurshópa - Hvað ætla stjórnvöld að gera?

14.03.2017

Fimmtudaginn 16. Mars næstkomandi standa ÍSÍ og fleiri aðilar fyrir ráðstefnu um málefni eldri aldurshópa í Tjarnarsal Ráðhúss Reykjavíkur undir yfirskriftinni Aldrei of seint – Heilsuefling eldir aldurshópa.

Ráðstefnan hefst kl. 14:00 með ávarpi forseta Íslands og lýkur henni um kl. 17:30. Meðfylgjandi er dagskrá ráðstefnunnar. Vinasamlegast dreifið til ykkar félga og félgasmanna og setjið á heimasíður og fésbókarsíður ef mögulegt er.

Heilsuefling eldri aldurshópa - Hvað ætla stjórnvöld að gera?

Heilsuefling eldri aldurshópa og hvað stjórnvöld ætla að gera til að hrinda í framkvæmd markvissri heilsuefnlingu er viðfangsefni hálfs dags ráðstefnu sem verður haldin í Tjarnarsal Ráðhúss Reykjavíkur þann 16. mars næstkomandi.

Rannsóknir hafa margsinnis staðfest að hreyfing og hollt mataræði leika lykilhlutverk til að bæta heilsu eldri borgara.

Á ráðstefnunni verður annars vegar farið ofan í saumana á því hvernig best er að standa að þessari heilsueflingu, fjallað um félagslega þáttinn og þátt næringar og hvers konar heilsurækt henti fólki í eldri aldurshópum. Meðal þeirra sem taka til máls eru öldrunarlæknir, íþrótta- og heilsufræðingur, heilsuhagfræðingur, félagsfræðingur og fyrrum íþróttamaður.

Hins vegar sitja borgarstjóri, landlæknir, heilbrigðisráðherra og sveitarstjóri fyrir svörum um það hvernig stjórnvöld ætla að beita sér í þessum efnum. Þessir aðilar hafa þegar fengið hnitmiðaðar spurningar um heilsueflingu sem þeir byrja á því að svara áður en þeir setjast í pallborðið.

„Ömurlegt er að eldast“ sungu ungu mennirnir í Rolling Stones fyrir hálfri öld (What a drag it is getting old). Nú er Mick Jagger orðinn 73 ára, sprækur sem aldrei fyrr þegar hann hendist þindarlaus um sviðið á tónleikum hljómsveitarinnar. Lykill hans að góðri heilsu og þoli er sá sami og hjá öllum öðrum sem bera sig eftir því, að stunda heilsurækt og borða hollt.

Ráðstefnan verður  í Tjarnarsal Ráðhússins. Hún er öllum opin og aðgangur ókeypis. Ráðstefnan hefst kl. 14 með ávarpi forseta Íslands, Guðna Th. Jóhannessonar.

Til baka




Á döfinni

24