Beint á efnisyfirlit síðunnar

Fréttalisti

13.11.2015

Fyrsta degi ÍM25 lokið - 2 Íslandsmet

M25 fór af stað í morgun kl. 10 í Ásvallalaug. 136 keppendur eru skráðir til leiks í ár. Úrslitin voru rétt í þessu að klárast og er rétt að segja frá því að Hrafnhildur Lúthersdóttir úr SH er búin að bæta 2 Íslandsmet í dag. Það fyrra
Nánar ...
11.11.2015

Ferð á Egilsstaði í september.

Á vormánuðum var planað að SSÍ ásamt sundfólki færi austur á land til að halda fræðslu og skemmtihelgi. Veðurguðirnir voru okkur ekki hliðhollir þá og skelltu í ágætt óveður þegar planað var að fara. Í framhaldi var ákveðið að bíða fram á haustið með förina. Í byrjun október var svo blásið til farar. Að þessu sinni fóru Ingi Þór Ágústson og Ingibjörg Kristinsdóttir fyrir hönd fræðslunefndar, Ólafur Baldursson fyrir hönd dómaranefndar og sundmennirnir Karen Sif Vilhjálmsdóttir og Kristinn Þórarinsson. Verkefnið var unnið í samvinnu við skrifstofu ÚÍA og félög á Austurlandi. Dagurinn var í alla staði frábær, Kristinn og Karen Sif voru með landæfingu og spjall við sundmennina á meðan Ingibjörg og Ingi Þór fóru með þjálfara og aðra fullorðna í smá spjall um uppbyggingu sundárs, hvað það þýðir að vera sundforeldri og annað sem nauðsynlegt er að vita þegar starfað er innan sundhreyfingarinnar. Ingi Þór var svo með létta sundæfingu með krökkunum og fór yfir nokkur tækniatriði. Eftir hádegi var svo skellt í sundmót þar sem allir fengu að keppa og hafa gaman. Krakkarnir stóðu sig með stakri prýði og verður gaman að fylgjast með þeim í framtíðinni. Það er alveg ljóst að mikil gróska er í sundi á Austurlandi því 9 manns tóku þátt í dómaranámskeiði sem haldið var i tengslum við ferðina auk allra þeirra sem komu og tóku þátt sem foreldrar, þjálfarar og sundmenn. Ólafur Baldursson sá um dómaranámskeiðið og fengu dómaranemar verklega kennslu á mótinu.
Nánar ...
28.09.2015

Fundur um þjálfaramenntun

ÍSÍ hélt fund með fulltrúum sérsambanda og sérnefnda föstudaginn 25. september sl. Fundarefnið var þjálfaramenntun og gildi hennar. Fundurinn var sjálfstætt framhald fundar sem haldinn var um sama efni í maí sl. Á fundinum fór Viðar Sigurjónsson, skrifstofustjóri ÍSÍ á Akureyri, yfir samþykkt menntakerfi íþróttahreyfingarinnar í þjálfaramenntun. Viðar kom inn á gildi menntunar í íþróttaþjálfun og þær kröfur sem samfélagið í raun gerir til þessarra starfa. Hann fór yfir hlutverk sérsambanda og –nefnda í menntakerfinu og mikilvægi þess að þjálfarar eigi kost á að taka sérgreinaþátt námsins eins og almenna hlutann sem ÍSÍ kennir. Einnig renndi hann yfir mat á námi milli íþróttahreyfingarinnar og skólakerfisins og endurmenntun og gildi hennar. Fulltrúar tveggja sérsambanda voru einnig með erindi á fundinum, annars vegar var það Hlín Bjarnadóttir frá Fimleikasambandi Íslands og hins vegar Ágúst S. Björgvinsson frá Körfuknattleikssambandi Íslands. Erindi þeirra voru afar góð og í báðum tilvikum var komið skýrt inn á gildi þess að fylgja samþykktu menntakerfi og bjóða þjálfurum reglulega upp á menntun við hæfi. Hlín sagði einnig frá því að inn á gólfið í fimleikasalnum færu einungis menntaðir þjálfarar, það væri skýr stefna Fimleikasambandsins. Ágúst sagði m.a. frá könnun sem hann gerði um viðhorf körfuknattleiksþjálfara til menntunar og kom þar í ljós að langflestir þjálfarar telja menntunina nauðsynlega. Það er von ÍSÍ að öll sérsambönd og –nefndir bjóði þjálfurum sínum reglulega eða eftir þörfum upp á ségreinahluta menntakerfisins á öllum stigum þess þannig að íþróttaþjálfarar á Íslandi hafi þá menntun sem menntakerfið gerir kröfur um. Það er mikilvægur hlekkur í framþróun í íþróttaiðkun á Íslandi, iðkendum og íþróttastarfi almennt til heilla og framfara.
Nánar ...
25.08.2015

Sundfélag Akranes óskar eftir þjálfara

Sundfélag Akranes leitar að sundþjálfara fyrir Selhópa sem eru 7-10 ára iðkendur og hafa fengið grunnkennslu í sundi. Kennt er í þremur hópum frá kl 14.30-17.15 á mánudögum og fimmtudögum og kl 15- 17 á þriðjudögum. Nánari upplýsingar eru veittar á netfanginu sundfelag@sundfelag.com
Nánar ...
22.08.2015

Viðeyjarsund fór fram í dag

Viðeyjarsund fór fram í dag en það er haldið af SJÓR, Sjósund- og sjóbaðfélagi Reykjavíkur. Fjölmargir tóku þátt og stór hlut þeirra sem syntu fóru fram og til baka.
Nánar ...
20.08.2015

Sundfélagið Ægir leitar að þjálfara

Sundfélagið Ægir leitar að sundþjálfara fyrir Bleikjuhópa í Breiðholtslaug. Í Bleikjuhópum eru börn á aldrinum 6-8 ára sem hafa þegar fengið grunn í sundi úr t.d. Gullfiskahópum félagsins. Kennt er í þremur hópum frá 16:45 og til 19:00 á mánudögum og miðvikudögum. Áhugasamir hafi samband á aegir@aegir.is.
Nánar ...
19.08.2015

Norðurlandameistaramót garpa 2-3. okt í Færeyjum

Norðurlandameistaramót garpa (NOM) verður haldið í Þórshöfn í Færeyjum dagana 2-3. október nk. Opið er fyrir skráningar og hvetjum við alla sem vilja og geta að skrá sig á mótið. Allar upplýsingar um mótið, hvernig skal skrá sig og fyrri úrslit er að finna á heimasíðu mótsins www.nom2015.org
Nánar ...
11.08.2015

Sigrún fyrst íslenskra kvenna yfir Ermarsundið

Sigrún Þuríður Geirsdóttir varð á laugardaginn fyrsta íslenska konan til að synda yfir Ermarsundið ein síns liðs. Upphaflega var haldið að hún hefði synt á 23 og hálfri klukkustund en í gær kom í ljós að sundtíminn var klukkutíma styttri, 22 og hálf klukkustund og helgaðist það af því að skipstjórinn gleymdi að breyta klukkunni þegar komið var í land í Frakklandi.
Nánar ...

 

 


Fréttasafn eftir mánuðum