Beint á efnisyfirlit síðunnar

Fréttalisti

08.12.2016

Bryndís og boðssundssveitin settu Íslandsmet í morgunhlutanum

Bryndís Rún Hansen setti nýtt Íslandsmet í 50 metra flugsundi á HM25 í Windsor Kanada. Hún synti greinina á 0:26,22 sem 48/100 bæting og komst þar með í milliriðla. Blandaða sveitin okkar setti einnig landsmet þegar hún synti 1:43,84. Hrafnhildur Lúthersdóttir komst svo í milliriðla í 100 metra fjórsundi.
Nánar ...
07.12.2016

Tvö Íslandsmet í fyrstu grein á öðrum degi á HM25 og eitt í lokin

Íslenska kvennasveitin okkar synti 4x50m fjórsund boðsund og setti í leiðinni nýtt landsmet í greininni. Þær Eygló Ósk Gústafsdóttir Ægi, Hrafnhildur Lúthersdóttir SH, Bryndís Rún Hansen Óðni og Jóhanna Gerða Gústafsdóttir Ægi syntu á tímanum 1:49,41 min og enduðu í 14. sæti af 20. Gamla metið var 1:57,06 min og var 12 ára gamalt. Eygló Ósk setti einnig Íslandsmet í 50 metra baksundi þegar hún synti fyrsta sprett á tímanum 0:27,40 sekúndum og bætti þar með gamla metið sitt og Ingibjargar Kristínar Jónsdóttur um 5/100 úr sekúndu. Ingibjörg setti metið fyrst fyrir 5 árum síðan en Eygló jafnaði það svo á Íslandsmeistaramótinu í 25m laug fyrir 2 árum síðan. Þær voru ánægðar með sig stúlkurnar að sundi loknu.
Nánar ...
07.12.2016

Bryndís syndir í dag

Bryndís Rún Hansen úr Óðni syndir 100 metra skriðsund í dag uþb kl. 10:35 á staðartíma eða ca 15:35 á íslenskum tíma. Þá eru einnig á dagskrá tvö boðsund sem Íslendingar taka þátt í, en það eru 4x50 metra fjórsund kvenna og þar synda í þessari röð: Egló Ósk Gústafsdóttir baksund, Hrafnhildur Lúthersdóttir bringusund, Bryndís Rún Hansen flugsund og Jóhanna Gerða Gústafsdóttir skriðsund. Hitt boðsundið er svo 4x50 metra skriðsund í kynblönduðum flokki þar sem synda tveir karlar og tvær konur. Ekki er frágengið hvernig sú sveit verður skipuð þegar þetta er ritað. Við vonumst til að sjá Bryndísi Rún í milliriðlum, en hún þarf að bæta sig eitthvað til að svo geti orðið og einnig er ágætur möguleiki að kvennasveitin nái í úrslit. Óvíst er með blönduðu sveitina, en eins og áður hefur verið sagt hér á þessari síðu, þá getur allt gerst.
Nánar ...
07.12.2016

Hrafnhildur 13. á nýju Íslandsmeti

Hrafnhildur Lúthersdóttir var að ljúka sundi í undanúrslitum í 50 metra bringusundi. Hún lenti í 13. sæti á nýju Íslandsmeti 0:30,47. sem er bæting um 20/100 frá í morgun. Til þess að komast í úrslitariðilinn þurfti að synda á betri tíma en norska stúlkan Susann Bjornsen en hún synti á 0:30,33.
Nánar ...
06.12.2016

Hrafnhildur með Íslandsmet í fyrsta mótshluta

Hrafnhildur Lúthersdóttir úr SH byrjaði mótið fyrir Ísland og setti strax í fyrsta sundi Íslandsmet í 50 metra bringusundi. Hún synti á tímanum 30.64 og varð í 15. sæti inn í milliriðla. Gamla metið átti hún sjálf, en það setti hún fyrst í Doha fyrir 2 árum 30,67 og svo jafnaði hún það í Hafnarfirði 2014 á ÍM25. Davíð Hildiberg Aðalsteinsson úr ÍRB og Kristinn Þórarinsson úr Fjölni syntu því næst 100 metra baksund. Davíð synti á tímanum 0:54,12 og varð í 37. sæti í greininni og Kristinn synti á 0:54,43 og varð í 38. sæti. Til þess að komast inn í milliriðla þurfti að synda undir 0:51,61 en Íslandsmetið sem Örn Arnarson ÍRB, setti í Dublin 2003 er 0:51,74. Viktor Vilbergsson úr SH synti 100 metra bringusund á tímanum 1:01,63 og varð í 56 sæti í greininni. Síðasti tími inn í milliriðla var 0:58,18 , en Íslandsmetið á Jakob Jóhann Sveinsson úr Ægi, sett í Reykjavík árið 2009. Metið er 0:58, 90. Þá var komið að Eygló Ósk Gústafsdóttur úr Ægi að synda 100 metra baksund. Eygló synti á tímanum 0:58,49 sem gefur henni 20. sætið í greininni. Íslandsmetið í greininni á hún sjálf frá því í Ísrael fyrir ári síðan, 0:57, 42. Til þess að ná inn í milliriðla hefði Eygló þurft að synda undir tímanum 0:58,08 Síðastur Íslendinga til að synda í þessum fyrsta mótshluta er Kristinn Þórarinsson úr Fjölni. Hann synti 200 metra fjórsund á tímanum 2:01,36 og varð í 36. sæti í greininni. Til þess að komast áfram hefði Kristinn þurft að synda undir 1:56,69. Íslandsmetið í greininni á Örn Arnarson ÍBR frá því 2003 í Vestmannaeyjum 1:57,91. Hér á mótinu dæmir einn af þeim íslensku dómurum sem hafa alþjóðleg dómararéttindi. Það er Haraldur Hreggviðsson, en hann er okkur í sundhreyfingunni að góðu kunnur. Hann er faðir Erlu Daggar Haraldsdóttur og þar með tengdafaðir Árna Más Árnasonar og hann hefur staðið á bakkanum við dómgæslu í hátt á annan áratug og hefur gífurlega reynslu sem slíkur. Í þessum fyrsta mótshluta var hann í hlutverki tengiliðar þjálfara við yfirdómara og mótstjórn. Á mótinu keppa um eða yfir 900 keppendur frá uþb 170 þjóðlöndum. Ísland hefur ekki alltaf verið með þessu móti, oftar en ekki höfum við einbeitt okkur að Evrópumótinu á þessum tíma, en þar sem virðist vera komin niðurstaða í að Evrópa er með sín mót annað hvort ár á oddatöluári, þá er FiNA með HM hitt árið. Aðstæður á keppnisstað eru til fyrirmyndar, hér er bráðabrigðalaug sett upp á íshokkívelli og í sama húsi er sett um upphitunarlaug ásamt aðstöðu fyrir sjúkraþjálfara og nuddara. Þá er ný sundlaug í næsta húsi við hótelið sem íslenski hópurinn dvelur á sem kemur sér vel, þannig hafa íslendingarnir sloppið við hálftíma rútuferðir fram og til baka undanfarna daga og svo geta þeir sem synda seint að morgni hitað upp í lauginni við hótelið og farið seinna af stað fyrir bragðið. Undanrásirnar hefjast kl. 09:30 á staðartíma (14:30 á íslenskum tíma) og undanúrslit og úrslitahlutar hefjast kl. 18:30 á staðartíma (23:30 á íslenskum tíma). Hér er svo að lokum hlekkur á Omega timing, en þar birtast úrslitin jafnóðum.
Nánar ...
06.12.2016

HM 2016 í Kanada að hefjast

Í dag hefst HM25 í Windsor í Kananda. Þetta er í 13. skipti sem FINA heldur heimsmeistaramót í stuttu brautinni, en nú um stundir eru þau haldin annað hvert ár (sléttar tölur) fyrstu eða aðra helgina í desember. Hitt árið heldur LEN EM25 á sama árstíma. Mótið er hefðbundið, riðlakeppni að morgni og svo milliriðlar og úrslitasund seinnipartinn. Þau sem keppa fyrir Íslands hönd á morgun eru þau Hrafnhildur Lúthersdóttir sem stingur sér fyrst til sunds upp úr kl. 11:00 á staðartíma (um kl. 16:00 á íslenskum tíma) og syndir 50 metra bringusund. Hún syndir í 7 og síðasta riðli greinarinnar á 2. braut. Strax í kjölfarið er komið að Davíð Hildiberg Aðalsteinssyni sem keppir í 100 metra baksundi ca 11:15 og syndir í 5. riðli af 8 á braut 0. Kristinn Þórarinsson syndir einnig 100 metra baksund í sama riðli á braut 4. Viktor Vilbergsson stingur sér svo klukkutíma síðar í 100 metra bringusund, syndir í 5 riðli af 10 á braut 5. Eygló Ósk Gústafsdóttir hefur sína keppni upp úr hálf eitt, þegar hún syndir 100 metra baksund í 7. riðli af 8 á braut 6. Kristinn Þórarinsson syndir svo 200 metra fjórsund um kl. 13:00 á staðartíma, er þar á braut 9 í 6 riðli af 7. Aron Örn Stefánsson, Bryndís Rún Hansen og Jóhanna Gerða Gústafsdóttir eru í fríi frá keppni á morgun en fylgja liðinu í upphitun og keppni til hvatningar.
Nánar ...
04.12.2016

HM 2016 í Kanada

Næsta þriðjudag 6. desember hefst Heimsmeistaramót í sundi - í 25 metra braut. Íslensku keppendurnir eru mættir til Windsor í Kanada ásamt landsliðsþjálfara, sjúkraþjálfara og liðstjóra. Einnig verður einn íslenskur dómari á mótinu. Þau Aron Örn...............
Nánar ...
23.11.2016

HM25 og NM farar

Nýafstaðið Íslandsmeistaramót var síðasta tækifæri íslensks sundfólks til þess að ná lágmörkum á Heimsmeistaramótið í 25m laug og Norðurlandameistaramótið. HM25 verður haldið í Windsor í Kanada dagana 6-11. desember og NM er haldið í Kolding í Danmörku dagana 9-11. desember. Þeir sem fara á HM eru:
Nánar ...
20.11.2016

Íslandsmet hjá ÍRB og HM lágmark hjá Kristófer

Nú rétt í þessu lauk Íslandsmeistaramótinu í 25m laug. Mörg flott sund hafa verið synt hér í Ásvallalaug um helgina og góður árangur náðst. A-sveit ÍRB setti Íslandsmet í 4x100m fjórsundi karla þegar þeir Davíð Hildiberg Aðalsteinsson, Árni Már Árnason, Þröstur Bjarnason og Kristófer Sigurðsson syntu á 3:43,22 og bættu ársgamalt
Nánar ...
20.11.2016

Kolbeinn synti undir HM lágmarki í gær

Fjórir sundmenn syntu undir HM lágmarki á ÍM25 í gær og þar á meðal var Kolbeinn Hrafnkelsson úr SH að ná sínu fyrsta lágmarki á mótið sem haldið verður í Windsor í Kanada í næsta mánuði. Kolbeinn synti 50m baksund á tímanum 25,27 en lágmarkið í greininni er 25,85. Kristinn Þórarinsson úr ÍBR sigraði greinina en hann hafði þegar náð lágmarki í greininni.
Nánar ...

 

 


Fréttasafn eftir mánuðum