Öðrum degi er nú lokið á ÍM50 í Laugardalslaug.
Eygló Ósk Gústafsdóttir úr Ægi hóf úrslitahlutann af krafti og bætti eigið Íslandsmet í greininni er hún sigraði á tímanum 1:00,89. Gamla metið var ársgamalt, 1:01,08.
Brynjólfur bætti svo þriðja drengjametið sitt á mótinu en hann synti 100m baksund á 1:02,84. Metið átti hann sjálfur en það var 1:03,17 frá því í febrúar. .jpg?proc=100x100)
Íslandsmeistaramótið í 50m laug hófst í morgun í Laugardalslaug. Syntar voru undanrásir í morgun og úrslit nú seinni partinn. Eygló með Íslands- og Norðurlandamet í 200m baksundi.Íslandsmeistaramótið í 50m laug verður haldið núna helgina 10.-12. apríl í Laugardalslaug. Í ár er mótið notað sem æfingamót fyrir Smáþjóðaleikana sem haldnir verða hér í Reykjavík í byrjun júní.
Fimmtudaginn 9. apríl býður ÍSÍ til hádegisfundar þar sem kynntar verða niðurstöður tveggja meistaraverkefna frá Háskóla Íslands. Fundurinn verður haldinn í E-sal Íþróttamiðstöðvarinnar í Laugardal og hefst kl.11:30. Margrét Indriðadóttir sjúkraþjálfari og MSc í íþróttafræði mun kynna niðurstöður meistaraverkefnis síns þar sem hún skoðaði íþróttameiðsli ungmenna, algengi og brottfall vegna meiðsla. Þá mun Hafdís Inga Hinriksdóttir félagsráðgjafi og meistaranemi fjalla um meistaraverkefni sitt en þar skoðaði hún upplifun foreldra afreksbarna á ofbeldi í íþróttum. Skráning er á skraning@isi.is og er aðgangur ókeypis.
Vladimir Salnikov, fjórfaldur Ólympíumeistari og margfaldur heimsmeistari í 1500 metra skriðsundi, verður fulltrúi FINA, Alþjóðasundsambandsins, á Smáþjóðaleikunum sem verða á Íslandi í byrjun júní nk.
Salnikov er eitt af stóru nöfnum sundsögunnar, synti 800 metra skriðsund sund fyrstur manna á skemmri tíma en átta mínútur og 1.500 metra skriðsund undir 15 mínútum. Hann sló Evrópumetið í 1.500 metra skriðsundi, á Ólympíuleikunum í Montreal 1976 og endaði fimmti í greininni. Hann var Evrópumeistari í 400, 800 og 1.500 metra skriðsundi á Evrópumeistaramótinu árið eftir, sigraði alla keppninauta sína í 800 og 1.500 metra skriðsundi næstu ár og vann til gullverðlauna á Ólympíuleikum, Heimsmeistaramótum og Evrópumeistaramótum ásamt því að setja Ólympíu-, heims- og Evrópumet.
Salnikov synti undir 15 mínútum í 1.500 m skriðsundi, fyrstur manna, á Ólympíuleikunum í Moskvu 1980, 14.58,27 mínútum. Hann bætti heimsmetið sitt tveimur árum síðar er hann synti vegalengdina á 14.54,76. Það met stóð í níu ár, þannig að hann hélt metinu í greininni í 11 ár.
Salnikov gat ekki varið ólympíutitil sinn í á Ólympíuleikunum í Los Angeles 1984, þar sem Sovétríkin hunsuðu þá leika líkt og Bandaríkin höfðu gert gagnvart leikunum í Moskvu 1980 og þurfti sérstaka undanþágu til þess að vera í ólympíuliði Sovétmanna á Ólympíuleikunum í Seúl 1988 vegna aldurs. Hann afsannaði allar kenningar um að hann væri orðinn of gamall til þess að blanda sér í keppni þeirra bestu með því að vinna gullverðlaunin í 1.500 metra skriðsundi. Hann var 28 ára gamall og sagðist hann ekkert muna eftir síðustu 20-30 metrum sundsins svo þreyttur var hann. Þess má til gamans geta að á þeim leikum synti Ragnar Guðmundsson 1500 metra skriðsund fyrir Íslands hönd og setti þar Íslandsmet í greininni, 15:57,54, sem stóð allt til ársins 2011 þegar Anton Sveinn Mckee sló það á Smáþjóðaleikunum í Liechtenstein 2011 er hann synti þar á 15:49,61.
Vladimir Salnikov hefur fylgt íþróttinni sinni vel eftir í kjölfar keppnisferlsins. Hann var í Ólympíunefnd Sovétríkjanna frá 1984 til 1991 og landsliðsþjálfari Sovéska sundliðsins í tvö ár eftir hann hætti keppni. Hann vann hjá fyrirtækjum sem sérhæfa sig í sundtengdum vörum og var varaformaður Sovéska sundsambandsins síðustu árin sem Sovétríkin lifðu. Á árunum 1991 til 2000 sat hann í íþróttamannanefnd FINA og var meðlimur sundtækninefndar LEN á tímabili.
Hann hefur um langt árabil setið í stjórn Rússneska sundsambandsins og verið formaður þar frá árinu 2009. Hann situr í stjórn LEN, Evrópska sundsambandsins og einnig í stjórn FINA, Alþjóðasundsambandsins.
Salnikov hefur hlotið ýmsa viðurkenningu heima og heiman. Hann var tam sæmdur Lenin orðunni 1985 og heiðursorðu rússneska lýðveldisins (sambærileg fálkaorðunni) 2010. Hann var tekinn inn í Alþjóðlega heiðurshöll sundíþrótta 1993.
Eitt af stórmennum sundsögunnar, Rússinn Vladimir Salnikov, verður eftirlitsmaður á sundkeppni Smáþjóðaleikanna sem fram fara hér á landi í byrjun júní. Salnikov, sem synti 800 m skriðsund sund fyrsta manna á skemmri tíma en átta mínútur og 1.500 m skriðsund undir 15 mínútum situr í tækninefnd Sundsambands Evrópu.
Salnikov, vakti fyrst alþjóðleg athygli þegar hann sló Evrópumetið í 1.500 m skriðsundi, á Ólympíuleikunum í Montreal 1976. Hann varð Evrópumeistari í 400, 800 og 1.500 m skriðsundi á Evrópumeistaramótinu árið eftir. Á næstu fimm árum var hann ósigrandi í 800 og 1.500 m skriðsundi og vann til gullverðlauna á Ólympíuleikum, heims- og Evrópumeistaramótum.
Salnikov rauf 15 mínútna múrinn í 1.500 m skriðsundi á Ólympíuleikunum í Moskvu 1980, 14.58,27 mínútum. Hann bætti eigið heimsmet tveimur árum síðar er hann synti vegalengdina á 14.54,76. Metið stóð í níu ár.
Salnikov fékk sérstaka undanþágu til þess að vera í ólympíuliði Sovétmanna 1988 og blés á allar hrakspár um að hann væri orðinn of gamall til þess að blanda sér í keppni þeirra bestu með því að vinna gullverðlaunin í 1.500 m skriðsundi. Síðar sagðist hann ekkert muna eftir síðustu 20-30 metrum sundsins svo úrvinda var hann. Hann var þá 28 ára gamall. 
Sundkonan Bryndís Rún Hansen frá Akureyri sem nú stundar nám á 2 ári við Nova
Southeastern Universety háskólann á Flórída hefur jafnt og þétt verið að stimpla sig inn á háskólamótunum í 2 deild í vetur. Bryndís hefur m.a. bætt fylkjamet í 50, 100 og 200 yarda skriðsundi og 50 og 100 yarda flugsundi og þá hefur hún í tvígang verið kosin íþróttamaður vikunnar í fylkinu.
Eygló Ósk Gústafsdóttir sundkona úr Sundfélaginu Ægi synti 200 metra baksund, fyrr í dag undir lágmarki fyrir Ólympíuleikana í Brasilíu 2016. Um leið setti hún Norðurlandamet og Íslandsmet í greininni. Tími Eyglóar Óskar er 2:09,86, lágmarkið inn á ÓL er 2:10,60 og gamla Íslandsmetið átti Eygló Ósk sjálf en það var 2:10,34 sett fyrir ári síðan í Danmörku. Gamla Norðurlandametið var 2:10,27.
Með þessum árangri er Egló Ósk þriðja hraðasta evrópukonan og 5 hraðasta konan í heiminum í 200 metra baksundi.
Eygló Ósk er að keppa á Opna danska meistaramótinu og er í feikna stuði. Við hlökkum til að sjá hana keppa á ÍM50 sem verður í Laugardalslaug 10.-12. apríl 2015.
Anton Sveinn McKee synti í A úrslitum í 200 jarda bringu á NCAA mótinu í gærkvöldi. Þar keppti hann við hröðustu sundmenn USA, hafnaði í sjötta sæti á tímanum 1.52,97 mínútum en tími hans í undarrásum var 1.51,97 mín.
Hann hlaut silfurverðlaun í 200 jarda fjórsundi deginum áður er boðsundsveit Alabama náði þeim glæsilega árangri að hafna í öðru sæti og bættu þeir tíman sinn frá undanrásum um eina sekúndu og settu nýtt skólamet. Sveit Alabama endaði í tíunda sæti og bættu sig um tvo sæti frá fyrra ári.
Anton Sveinn og félagar hans í boðsundsveit Alabama höfnuðu í þriðja sæti í 4x100 yarda fjórsundi á NCAA sem fram fór á fimmtudaginn.
NCAA er lokamót háskólanna í Bandaríkjunum sem fer fram í Iowa City dagana 26. – 28. mars.
Anton synti bringusundið í boðsundinu á 52.37.
Anton er annar Íslendingurinn sem kemst á pall á NCAA mótinu, en Ragnheiður Runólfsdóttir náði því einnig þegar hún var við nám í Alabama.
Anton Sveinn synti einnig 500 jarda skriðsund á tímanum 4.16,47 og endaði í
17. sæti einu sæti frá B úrslitum.
Á föstudag syndir hann 100 jarda bringusund og laugardag 200 jarda bringusund
Hrafnhildur Lúthersdóttir sigraði á föstudagskvöld í 100 metra bringu á Speedo sectionals í Florida.
http://www.teamunify.com/TabGeneric.jsp?_tabid_=105809&team=fgcspst).
Hún synti á 1.08.15 sem er nýtt íslandsmet. Metið átti hún sjálf 1.08.19 frá Berlín 2014
http://www.teamunify.com/fgcspst/UserFiles/Image/sectionals%20friday%20finals%20results.pdf
Þetta telst góður tími snemma árs og er sá 16 besti í heiminum sem af er á þessu sundári
sjá heimslista FINA
http://www.fina.org/H2O/index.php?option=com_wrapper&view=wrapper&Itemid=805
Dómaranámskeið verður haldið 19. mars í Pálsstofu í laugardalslaug kl 18.00.
Verkleg kennsla verður á Actavis móti SH, 21. – 22. Mars í Ásvallalaug.
Endilega sendið skráningar á : jon.hjaltason@vegagerdin.is
