HM25 í Hangzhou í Kína
11.12.2018 02:00
HM25 2018 fer fram í Hangzhou í Kína dagana 11. til 16. desember 2018. Fjórir sundmenn taka þátt í mótinu, þau Anton Sveinn McKee SH, Dadó Fenrir Jasmínuson SH, Ingibjörg Kristín Jónsdóttir SH og Kristinn Þórarinsson Fjölni. Auk þeirra ávann Eygló Ósk Gústafsdóttir úr Fjölni sér keppnisrétt á mótinu en tekur ekki þátt vegna meiðsla. Með þeim í för eru Klaus Jürgen Ohk þjálfari, Unnur Sædís Jónsdóttir sjúkraþjálfari og Bjarney Guðbjörnsdóttir fararstjóri.
